Naupang kum 1 nuaisiah singgahtui “Juice” piak hoihlo ci

Naupang kum 1 nuaisiah singgahtui “Juice” piak hoihlo ci

American Academy of Pediatrics (AAP) te’n naupang kum 1 nuaisiah te singgahtui “Juice” piakpen hoihlo hi ci’n Monday ni in tangkokhia uh cih Fox News pan kiza hi.

Hih dotna pen nulepa tampitak in atheihnop mahmah dotna khat hi a, naupang siavuan Pediatricians te’nzong tamveipi dot athuakdet khat ahihi. Naupangte “100 % Fruit Juice” akici singgahtui pen bangzahbang pialeng hoihdinghiam cihpen nulepa te’n atheihnop mahmah dotna khat ahihi.

Ahi zongin tu’n mipil Experts te’n agenkhiatna ah abeisa in Doctors te’n agen uhpen naupangte cidamna tawh kituaklo khathei cihi. Banghanghiam cihleh American Academy of Pediatrics (AAP) te genkhiatna ah naupang kumkhat nuaisiahpen Fruit Juice piakding hoihlo cimawk hi.

Hih Policy pen aki zattheihlo hunkhat omveve hi. Gentehna in naupang kumkhat acingnailo khat asung khakcipden “Constipation” cihbang in aomleh Fruite Juice pen piakding hoihhi cileuleu hi.

Naupang kumkhat nuaisiah tebek hilo, agolkhin zawdeuh tezong Fruit Juice piakdanding Guidelines kibawl a, alamdang khatin ki ngaihsun hi.

Naupang kum 1 pan kum 3 kikal pen nikhatin atampen 100% Fruit Juice akici singgahtui 4 ounces (118 ml) ciangbek piakding hoih cihi.

Naupang kum 4 pan kum 6 kikal tepen nikhatin atampen 100% Fruit Juice akici singgahtui 8 ounces (236 ml) ciangbek piakding hoih cihi.

More: Na tangek suakcil te nakhualna in zatep hong kidawm dihve lawm

Hih Policy pen AAP kici “American Academy of Pediatrics” te ii genkhiat hi a, gamkhat leh gamkhatzong ki banglothei ahih manin, ih omna gamsung aom naupang siavuan “Pediatricians” tezong dotcianhuai veve hi. ZD Sawltak #zomidaily