Malaysia ah naungek numei kha 9 bekbek aphapan khat buanthuak ahih manin sihlawh

Malaysia ah naungek numei kha 9 bekbek aphapan khat buanthuak ahih manin sihlawh

Malaysia, Bandar Baru Bangi vengsung ah pasal khatin naungek numei asuahzawh kha 9 bekbek aphapan khat buan (Rape) ahih manin sihlawh cih Bernama News pan kiza hi. Hih thupiang pen Thursday ni in thupiang hi a, mihing gamtatding in akilawm hetlo “inhuman acts” hi ci’n lamdang kisa in, ki lipkhap mahmah hi.

Tua naungek kha 9 bekbek aphapan pen anumei van panin buan athuak banah (Rape), atawvang paninzong kibuan (Sodomised) ciliang hi. Tuabangin akibawlsiatna hangin tua naupangno in thuaklah mahmah “Critical Condition” in omcip a, tuakhit ciangin asihlawh ahihi.

Hihvai tawh kisai in Kajang police chief ACP Ahmad Dzaffir Mohd Yussof in agenkhiatna ah bawlsiat athuak naungek pen Friday zingsanglam 10:30am hunpawl in sihi ci’n genkhia hi. Zahmawhvai tawh bawlsiat athuakkhit ciangin Serdang Hospital ah kipuak a, zato panin asi ahihi.

Tua asi naungek pen anu apa te nasem ahih manin, naukepna “Caretaker’s Home” ah aki kemsak ahihi. Anu in agenkhiatna ah zingsanglam in atanu naukepna ah kakha a, tuahun laitak in bangmah aci hetlo, acidam mahmah cihi.

Ahi zongin sunlam ciangin naklah in gimgawp ahih manin amanlang in Bandar Baru Bangi Clinic ah nakipuak hi. Tuapanin Clinic te’n acihnading theilo uh a, Serdang Hospital ah akipuaksawn ahihi.

Tua naungek pen zato ah limtak aki sitcian ciangin anumeivan Hymen pen kikekmawk a, tuabek thamlo atawvang “Anus” zong liam cih kimukhia hi ci’n Statement ah thunei te’n pulakkhia uhhi.

Serdang Hospital’s Pathology Department te’n limtak in Postmortem abawlna panin tua naungek pen aluzong kisatkha ahih manin, aluguh “Skull” zong khangkham cih mukhia uhhi.

Tuabek thamlo, naungek ii alu aveileh ataklam ah aki kuigawp liamma cihtezong ki mukhia hi.

Tua naungek ii anu apa te genkhiatna ah naungek akepsak Caretaker tepen Housing Estate huangpi sungkhat ah aomkhawm uh cihi. Abeisa September kha akipan tua naukem te kiangah atangek uh akepsak uh ahihi.

Tuabangin naungek abawlsia pen naukemnu ii apasal kici a, tuahangin naukemnu leh apasal zong kumpi thunei te’n manpah uhhi. Naungek abawlsia, abuanpa pen sammet nasep “Barber” nasep asemkhat ahihi.

More: Kha 8 bekbek aphapan buan athuak naungek ii asunglam ah liamna om

Naukemnu pen kum 28 aphakhin khat hi a, apasal mibuanpa pen kum 36 aphakhin khat ahihi. Tua mibuanpa pen azun Urine Test akibawl ciangin guihtheih khamtheih zatui “Methamphetamine” azangkhat ahihlam zong ki mukhia hi. Tuavaiteng hangin mibuanpa pen “Section 302 of the Penal Code for murder” cih thukhun tawh thu kibawlding in akikep laitak ahihi. Sawltak #zomidaily