Nasep nadingin Company ahoihpen kiteelna ah Google in akhatna ngah
Fortune Magazine te’n leitung Company tuamtuam lakpan in nasep nadingin ahoihpen anoppen Company 100 telkhia uh a, tualak ah Google Company te’n akhatna ngahkik uh cih AFP News pan kiza hi. “100 Best Companies to Work For” cih thulu tawh akiteelkhia hi a, leitung Company tampitak te lakpan in Google pen Employer hoihmahmah, puhoih mahmah in ki ciamteh hi.
Hihbang in Fortune Magazine te’n ateelkhiattheih nading un Employee Surveys abawlsak ciatciat uh ahihi. Company bekbek 1000 valbang panin nasemmi Employee 232,000 valbang tungah Survey abawl uh ahihi. Company Culture, Employee Engagement, Fairness and Talent Development cihbang te leh Factors tuamtuam Assessment kibawl in aki teelkhia ahihi.
Google Company ah nasem tepen an kivak, sam amawkna in kimet sakthei, puan akisawpsak (Free Gourmet Food, Haircuts, Laundry Service) himawk ahih manin amau Company sungah nasem in alutkha te kisik hetlo in nuamsa mahmah uhhi. Tuahang mahin leitungbup Company tuamtuam tultampi te lakpanin Survey akibawl ciangin nasepnading ahoihpen, anoppen Company in ciaptehna angah kikkik uh ahihi.
Hihbangin Fortune te teelkhiatna ah Google Company in “100 Best Companies to Work For” cih thulu tawh akhatna angahpen abeisa kum 11 sungah 8 veibang a ngahna hita hi. 8 vei angahna lakah akizom vilvel in abeisa kum 6 sung ngahciatciat uhhi.
“100 Best Companies to Work For” lakpan Top 10 Companies tengpe anuai abang ahihi.
- Google – Mountain View, California
- Wegmans Food Markets – Rochester, New York
- The Boston Consulting Group – Boston, Massachusetts
- Baird – Milwaukee, Wisconsin
- Edward Jones – St. Louis, Missouri
- Genetech – San Francisco, California
- Ultimate Software – Weston, Florida
- Salesforce – San Francisco, California
- Acuity Insurance – Sheboygan, Wisconsin
- Quicken Loans – Detroit, Michigan
“100 Best Companies to Work For” avekpi in na etnopleh hih LINK namek lecin, 100 vekpi in ki enthei dinghi.
Nasep nazonsawm leh hih Top 10 ahih keileh Top 100 sungpan in nazonsawm inmaw lawm 🙂 Company dangdang ah sepsangin nopzaw khading hi. ZD Sawltak #zomidaily
Comment piaknop aomleh...