Coca-Cola bungtung ah mihing ek kimu

Coca-Cola bungtung ah mihing ek kimu

Ireland gam aom Coca-Cola (Coke) bawlkhiatna Factory pan akibawlkhia Coca-Cola bungtung ah mihing ek “Human Faeces” kimu ahih manin Police te’n akankhiat laitak cih Guardian pan kiza hi.

Tua Coca-Cola Factory pen Northen Ireland, County Antrim, Lisburn aom hi a, Helllenic Bottling Company te ii Factory khatpan ahihi. Police Service of Northern Ireland te’n hih thupiang pen amanmah hi in, bangci bangin mihing ek baangthei mawk hiam cih kankhiatding, Inquiry bawlding in kipankhin hi ci’n Tuesday (Mar 28) ni in genkhia uhhi.

Tua Coca-Cola Factory pen aset siatna om ahih manin nungkalsung zong Night-time Processing nasep pen kikhawl cihi. “Soft Drinks Giant” akiciliang Coca-Cola Company te’nzong hihvai tawh kisai in tua mihing ek abaang Cans bungte pen ki hemkhiapah a, khuasung ah akizuak tetawh ki sawhkhakna omlo hi ci’n genkhia hi.

Spokeswomen khat ii genna ah Coca-Cola Company sungah ka thupilak mahmah uhpen kabawlkhiat Products te uh Safety leh Quality aneih nadingmah hipen hi ci’n genkhia hi.

Hihbang thupiang pen kithuklak, Serious lak mahmah in, hoihtak in kong kankhiading uh a, Police Service of Northern Ireland (PSNI) tetawh kipawkkhawm in Investigation kibawlding hi ci’n genbeh hi.

Northern Ireland gam ii “Foods Standards Agency” te’nzong hih Coca-Cola bungtung ah “Physical Contamination Incident” aomvai pen kathei, kaza uhhi ci’n genkhia hi.

More: Malaysia, Penang ah naungek suakcil khat ekbuk sungah ki nusia

Mipi dawnding in akizuakkhia Market sungah hih anin akihel Contamination Products te kihelding cihtheihna mitmuh omlo hi ci’n FSA Spokeswoman khatin genkhia hi. Coca-Cola dawnciang hoihtak etcian photdingdan hileh kilawm ei 🙂 ZD Sawltak #zomidaily