Nasep khawlni sauveipi lupgawpna hangin lungtang natna ki ngahbaih thei

Nasep khawlni sauveipi lupgawpna hangin lungtang natna ki ngahbaih thei

Nasep khawlni, Off Day niciang in sauveipi amlualiang in lupgawpna pen hoihhetlo a, lungtang natna “Heart Disease” zong ki ngahbaihthei hi ci’n University of Arizona Health Sciences te’n Study abawlna pan mukhia uhhi.

Tuabang in nasep khawlni ciangin sauveipi lupcipna hangin Social Jet Lag piangsak in, Heart Disease ngahtheih nadingin 11% bang lauhuaisak tuam cimawk hi.

“Jet Lag” cihpen vanleng sauvei tuanglua in, adiakdiak in Time Zones khatpan in adang khatah ih kantan ciangin lungam bekthamlo, pumpi in athuaklah ciangin Jet Lag kici hi.

Social Jet Lag cih leuleu pen Germany gamsung University of Munich Institute of Medical Psychology panin Dr Till Roennberg kicipa in hong patkhiat kammalthak Term khat ahihi. Nasepni leh nasep khawlni lup hun kibatlohna te agennopna “different sleep patterns” ahihi.

Hih Research akibawltheih nadingin kum 22 panin kum 60 kikal aphakhin mi 984 te ki encik in akibawl cihi. Researchers te muhkhiatna ah Social Jet Lag hangin cidamna zong kiamsak, lung tomsak, ihmut suaksuak, gim ngeingai, tawllua cihbang in ahoihlo tampi piangsakthei cihi.

Hih Research ih upleh uploh pen thukhat cini in, ahi zongin mihing pen ihlup ngeina, ihthawh ngeina khatin ih gamtat theihding pen athupi mahmah ahihi. Lup hakluatna ahi zongin, thawhbaih luatna cihte ahi zongin, nisim ih gamtat ngeina tawh akibanglodeuh in khatveivei ih gamtat ciangin ihpumpi in thuaklah theihi.

Nasep khawlni, Off Day nikhawng ciangin nitak sauveipi tutu in, zingsangciang sauveipi ihlupcip pen tuani thapai ki gik neinai takpi thei in, ih omziakhat ki navak lualo in omtakpi theihi.

More: Singapore kumpi thunei te’n “Royal Expert Whitening Cream” zat huailo cih tangko

Lup hun, thawhhun leh zingsang an, nitak an nek hun cihte pen nisim in ahun ciantan neithei in, ahun lianlian in zangtheileng pumpi adingin hoihtuakpen hi. Sawltak #zomidaily