Malaysia PM asemlui Najib Razak kimanta, zingciang thu kibawlding

Malaysia PM asemlui Najib Razak kimanta, zingciang thu kibawlding

Malaysia gamsung ah abeisa in Prime Minister asemlui Najib Razak pen 1MDB Scandal sumvai tawh kimanta cih CNA pan kiza hi. Tuni Tuesday (July 03) sunlam in akimankhia hi a, SRC International akici 1Malaysia Development Berhad (1MDB) sumzatthangna, sum peipuangna hangin akiman ahihi.

Najib pen tuni 2:35pm hunpawl in ama teenna Kuala Lumpur khuapisung Jalan Langgak Duta, Taman Duta aom ama Private Residence panin akimankhia ahihi.

Zingciang Wednesday zingsanglam 8:30am hunciangin Magistrate’s Court thukhenzum ah thusitna kineiding hi ci’n Statement ah ki khahkhia hi.

Senior Security Official khatin agenkhiatna ah golhguk nekvai akankhia Anti-corruption Officers pawlkhat Najib innsung ah mawtaw 3 hiam, 4 hiam tawh lut uh cihi.

Video: Former Malaysian prime minister Najib Razak was arrested on Tuesday afternoon (Jul 3) in relation to the probe into SRC International, a former unit of state fund 1Malaysia Development Berhad (1MDB). He will be charged in court on Wednesday at 8.30am, the 1MDB task force investigating the scandal said in a statement, adding that Najib was arrested at his private residence in Kuala Lumpur.

Tuakhit ciangin Najib pen kimankhia in, Putrajaya aom Malaysian Anti-Corruption Commission (MACC) te ii zumpi Headquarters ah ki paipih hi. Tuzan pen gilbem Lock-up ah zankhat kikhumcip photding cih kiza hi.

Najib pen abeisa May 22 leh 24 ni te inzong MACC Putrajaya aom Headquaters ah thusitna kinei ngeikhin a, ama tungpanin Statement zong Record kibawl hi.

MACC te’n Najib pen bangci bangin thukhen thuaktheiding cihpen akician in genkhiatna neinailo uhhi. Ahi zongin 1Malaysia Development Board (1MDB) vaitawh kisai in sumvai hangin akiman hi a, SRC International Sdn Bhd tawh kizopna khempeuhzong hoihtak in thusitna kineiding hi ci’n MACC Statement te’n pulakkhia uhhi.

More: Najib ii azi zong golhguknek akankhia kipawlna MACC te’n sumvai tawh thusitna neita

Najib pen zandiak mahmah in Malaysia gamsungah Prime Minister makaipi asem hi in, Malaysia gambup ah athunei mahmahkhat ahihi. Ahi zongin thuneihna pen khuttung lumleh bangin hongki lumletvat a, tulaitak in sumvai tawh golhgukne, guta khatbangin mat athuak dinmun hongtung hiziau mawk hi.

Sum in mihing te lungsim leh gamtatzia subuaithei mahmah hi. Sumvai hangin gammakai, pawlpi makai, kipawlna makai te buaithei mahmah uh a, ahi zongin tuabangin oltak in akingah sumtepen sauvei kikhom khollo kicitek hi. Sawltak #zomidaily