1MDB sumvai tawh Najib neihsa inn 2 ki buluhsak leuleu

1MDB sumvai tawh Najib neihsa inn 2 ki buluhsak leuleu

Abeisa in Malaysia gamsung ah Prime Minister asemlui ahi Najib Razak ii aneihsa innkhat Police te’n luhkhiatsak leuleu uh cih NST pan kiza hi. Tua Najib ii neihsa innsung Raid abawlte pen Police Officer vive ahih uh hangin, Uniform asilh omlo in Plainclothes vive silh uhhi.

Tua Najib ii neihsa innpen Putrajaya, Precinct 10 vengsung aom innkhat hi a, Seri Perdana panin 200 meter bang aki gamla in aom ahihi. Tua inn ngeinai ah aom Pensioner khatin agenkhiatna ah tua Najib ii neihsa innpen kuamah aomlohzawh kumkhatbang phakhinta cihi.

Tuabangin Najib neihsa innsung Raid akibawlna pen 1Malaysia Development Bhd (1MDB) sumvai tawh kizommah hidingin ki ummawh hi.

Bukit Aman Commercial Crime department panin Police Officer te tuni sunlam akipan tua Najib neihsa innsung ah omkhin uhhi. Tua innsung panin vanhonkhat Box sungah kikoihin, tua Box tepen Van mawtaw akangkhattawh ki nawnkhia hi.

Tua vengsung ah Police te’n a etcikzawhpen kalkhat valbang hikhinta kici hi.

Hihvai akizak ciangin Local Media leh Reporters tuamtuamte tuni sunlam 1:30pm hunpawl akipan tua Najib neihsa innmai ah thuthang akanding in ngakcip uhhi.

Hih innban ah adang innkhatzong sunlam 3:15pm hunpawl in Police te’n luhkhiatsak, Raid bawl uh cih kizakbeh hi. Media te’n tua inn omna ah thuthang kanding in adelh uhciangin nitak 5pm bang satkhinta hi.

Tua innmai ah Police mawtaw khatbek aomlai kimu a, tua innmai ah Police Officer mi 2 te’n inn angakding in aom uh kimu hi. Aveng te’n Media te tungah agenkhiatna ah tua innmai ah tusunglam in mawtw tampi akhawl kamu hi ci’n genkhia hi.

Malay Mail te genkhiatna ah tua innpen Najib ii neihsa kepna “Safe House” in azatkhat hidingin ki ummawh hi ci’n pulakkhia uhhi.

Video: A team of plainclothes policemen is in the midst of raiding a house in Precinct 10 here. A pensioner who stays nearby said the house had been empty for the past one year. He said the house, located about 200-metres from Seri Perdana, belongs to the Property management Division of the Prime Minister’s Department.

1MDB Scandal vai, sum neksimna vaitawh kisaipen 2015 kumpekpan akipankhia ahihi. Ahi zongin tualai in Najib Razak pen Prime Minister aseplaitak hi a, bangmah khialhna kaneikei hi ci’n Najib in nialcipden hi. Tuaban ah 1MDB vai akansawm Malaysian Anti-Corruption Commission (MACC) makaite pen Investigation abawl hangin khakcipsak pahpah kici hi.

1MDB sumvai tawh kisai in Najib in ama mimal Personal Bank Account sungah RM2.6 Billion (US$681 Million) lutsak kici a, tuavai akikan ciangin Saudi Royal kumpi te’n Donation apiak hi cihtawh khupcip sukziau hi.

Tu’n Dr. Mahathir in Prime Minister hongngahkhiat, hongsep taktak ciangin tua 1MDB vai hoihtak in aki kankik theipanding ahihi.

More: Kawlgam mite tungpan golhguk ane Malaysia palik 2 kiman

Najib ii abeisa sumvai tawh kisai 1MDB gamtatna vaipen tulaitak hoihtak in aki kanciansan laitak hi a, tua Result tungtawn in Najib pen thong akiatleh akiatlohding ki khentatding hi ci’n Dr. Mahathir in genkhia hi. Abeisa in mattheih taktak nading mawhmat kician, Evidence kician taktak kimu nailo himahleh tuni akipan 1Malaysia Development Bhd (1MDB) Special Task Force cih kipawlna in mawhpuakla in Najib ii sumvai limkansawm mahmahlai uhhi. Sawltak #zomidaily