Malaysia Prime Minister Datuk Seri Najib Razak in pumpi cidamlo in aomcik “Disable Couple” nupa te kiangah aveh in pai a, huhna pia cih NST pan kiza hi.
Tua cidamlo nupa tepen Kampung Kodiang Lama Luar ah aom uh hi a, PM Najib leh azi natveh in vahawh uh a, Minute 10 sungbang holimna neikhawm uh cihi.
Tua pumpi cidamlo nupa tepen kum 77 aphakhin Osman Jusoh leh kum 69 aphakhin Siti Zabidah Saidin te nupa ahihi. Hihte nupa pen adamlohzawh kumtampi hita a, lupna ngakin aomcipden uh ahihi.
PM Najib in ama ipsungpan in sumtang huhna apiakban ah State Government’s Barakah Food Pack zong piakna neihi.
Hih cidamlo nupa te in tanu khat nei uh a, kum 31 phakhinta in aminpen Intan Zulina kici hi. Nasi Lemak zuakin anu apa avakkik ahihi.
Intan Zulina in Prime Minister Najib leh azi hawhding cih anu apa te kiangah agen ciangin lamdangsa uh a, nuam mahmah uh cihi.
Kanu pen PM Najib leh azi honghawhding cih kagen ciangin amai nuihmai hiuhiau denpah cihi. Hihbang in PM te nupa kiniamkhiat takin ko innah honghawh uhpen kakipak a, adamlo kanu kapa tezong lungnopna tampi neituam uhhi ci’n Intan Zulina in genkhia hi.
Anu apa tepen acidam in asuak uh hi a, ahi zongin apa pen aneulai in aci sagawp in apumpi zawsuak cihi. Anu zong asangkhat panin akiatzawh lupna tungah lumcip in kum 20 bang lumcipkhin cihi.
Atanu Intan Zulina in kum 16 aphak akipan anu apa akemcipdan ahihi. Amahzong kamsia in apasal tawh kikhen a, ta 3 neikhin sawnsawn ahih manin anu apa akepkawm tawh nektawmding zongin Nasi Lemak azuak ahihi.
Related: Afghanistan, Kabul ah Suicide Bomb puakkham in mi 4 si, adang mi 8 liam
Gamkhat ii Prime Minister in cimawh meigong tagah te hihbang in aveh, ahawh pen ettehhuai mahmah hi. Photo sungah ihmuhciang pumpi cidamlo nupakop tepen lumlenglang tuak uh a, hehpihhuai mahmah hi. Sawltak #zomidaily
Comment piaknop aomleh...