Najib innsung ah Police te’n Chocolate neksimsak cih tungtawn in Chocsforcops Campaign kibawl

Najib innsung ah Police te’n Chocolate neksimsak cih tungtawn in Chocsforcops Campaign kibawl

Malaysia gamsung ah Prime Minister asemlui ahi Najib Razak ii innsungteng ah 1Malaysia Development Bhd (1MDB) sumvai tawh kisai in Police Search kibawl hi. Tuabangin Police Search akibawl laitak in Najib innsung Fridge sungah akikoih Chocolate pawlkhat Police te’n neksak uhhi ci’n ngawhbawl citciat uhhi.

Tuabangin Police te’n Chocolate neksak cih aki ngawhbawlna vaitawh kisai in Lawyer leh Social Activist khat ahi Siti Kasim in “Chocsforcops Campaign” cih hongki pankhia hi. Ihgam adingin nasem te lungdam kohkikna in Chocolate puakding hihang ci’n atangkokhiat ciangin mipi te lunglut mahmah uhhi.

Tua Chocsforcops Campaign akipat ciangin mi tampitak in Chocolate piakhia ziahziah uh a, tuabangin aki piakhia Chocolate tepen Sri Hartamas Police te kiangah puakdingin geelna anei uh ahihi.

Video: Malaysians came together on Saturday at the Sri Hartamas Fire and Rescue Department bearing chocolates, in show of appreciation for all their hard work. In some locations, such as Petaling Jaya and Kuala Lumpur, people also handed chocolates to both police and fire and rescue personnel. In the Facebook page created for the event, over 3,600 people had said they were interested in participating in the event.

Ahi zongin tua Sri Hartamas Police tepen atungsiahte’n zaksakna nanei uh a, Chocolate leh vankhatpeuh hongki piakleh nasangkei un ci’n tungsiahte’n zasak ahih manin, aduh mahmahphial uhhangin sangngamlo uhhi.

Tuaciangin Sri Hartamas Police tawh akizom in aom ahi Fire Station ah tua Chocolate te kipiakhia veve hi.

Firefighter tezong ihgam adingin aki piakhia, nahamsa mahmah asemte uh hi a, lungdam ihko hi ci’n Lawyer Kasim in genkhia hi.

More: Thailand panin aciahsawm Myanmar gammi 14 te tuanna mawtawpei puakkham in meikuanggawp

Lamet hetlopi in Fire Station aom Firefighter te’n Chocolate honkhat ngahkha uh ahih manin lungdam mahmah uhhi. Adiakdiak in tulaitak pen Muslim te adingin Ramadan antan hunsung ahih manin, hih hunsung ah piakkhiatna, citpiakna abawlhun laitak uhzong ahihtawh kituak in, mi tampi in Chocolate piakhia ziahziah a, Chocolate atamman Cadbury Brand cihbang atuamtuam kipiakhia cih kiza hi. Sawltak #zomidaily