Leiba pan suahtakna ~ Pu Thangboi

Leiba pan suahtakna ~ Pu Thangboi

Zomite leiba in vukcip in acimawh pawlkhat om ahih lam kathei hi. Leiba nam tampi om ding a tu a kagen pen sum leiba hi.

Sanggam aw, Zeisu in na leiba teng hong lohsak nuam hi. “Vangik pua-in a gim mite khempeuh aw, ka kiangah hong pai ta un. Tawldamna ka hong pia ding hi”. Acihna lak ah leiba zong kihel hi. Leiba pen vangik khat hi.

Leiba neih pen nak noploh khia mahmah hi. Mi lak khawng ah ih lei batte tawh kimu kha leng ih lungtang ki nawhsai mahmah hi. Sanggam aw, Zeisu’ gupkhiatna pen ih kha a ding bek himawk leh biak tak hetlo hi. Zeisu in na pumpi, na taksa, na nat na satna, na liangvaina, na genteihna, na leibat na thaangbatnate pan in zong hong gumkhia Pa hi.

Pasian in mihing pen leitung a uk ding a abawl ahih man in Amah mahmah in mihing thupi bawl hi. Mihing’ thuneihna Pasian in zahtak hi. Na nuntakna ah Pasian in na asep theihna ding in nang mahmah in phalna na piak masak kul hi. Ki niamkhiatna tawh khukdin inla “Topa aw kei hong hon tapeuh in.

Nang lobuang kamuan ding kasuan ding kuamah om kei” ci’n tu mahmah in kiko in. Hong ki lamdang peelmawh ding hi. “Hong kisin un” aci Pa hi. Tu mahmah in hong huhnuam Pa hi. Zumkhak leh holiday cih khawng Pasian in neilo hi. Pension la nailo hi. Na kikona hong ngak gige hi.

Nang mahmah i kikona Pasian in zanuam hi. Kiko pah in. Thu kong ngetpih ding na ut leh messenger pan hong zasak in

Pasian’ kiang pan hong pai suahtakna bukim na ngah ngiat ta in. Amen.

Nong-it

Mung Laan Thang
Zangkong