Nainganzi Ciamnuih ~ Zomi Quavadis

Nainganzi Ciamnuih ~ Zomi Quavadis

Khatvei UN in leitungbup ah thudot kawikawina bawl hi. Tua thudotna pen, “Would you please give your honest opinion about solution to the food shortage to the rest of the world?” Cih thu hi. Hih dotna tawh kisai naakpi takin UN-te lawhsam uh hi. Amau dotnop thu pen, “Leitungbup ah neek ding an kitangsapna tawh kisai vensak theih nading nang mimal ngaihsutna maan takin hong gen in?” cihna ahihi.

Neek ding an a om lohna Africa gam mite in ‘An – Food’ cih kammal za ngei lo uh ahihmanin a khiatna thei lo pah uh hi.

Eastern Europe gam mite in “Maan takin/im lo in – honest’ cih kammal za ngei lo uh hi. Tel lo pah uh hi.

Western Europe lamte in ‘Kitangsapna – Shortage’ cih kammal za ngei lo uh hi. A khiatna thei lo pah uh hi.

China gam mite in ‘Mimal ngaihsutna – opinion’ cih thu za ngei lo uh ahihmanin a khiatna tello pah uh hi. Democracy gam hilo cihna hi.

Middle East lamte in ‘Haksatna vensakna – Solution’ cih kammal za ngei lo uh ahihmanun a deihna thei lo pah uh hi. Tudong buaibuai lai uh hi.

South America lamte in ‘Hehpihna tawh – Please’ cih kammal za ngei lo uh hi. A deihna tel zo lo pah uh hi.

USA te in amau bek mi kisa uh ahihman un ‘Leitung gambup – to the rest of the world’ cih kammal za ngei lo uh a, thei lo pah uh hi. Translated by Zomi Quavadis