Na zi (na lawmnu) na lungkimsak nading nam 6 om

Na zi (na lawmnu) na lungkimsak nading nam 6 om

1. Etkak / Genteh kei in

Ama zi-in innkuan sung vaanzo mahmah cih leh, ama lawmngaihnu in it dan-ngaihdan siam!cih nangma lawmnu/na zi tawh etkak / gentehna in nei ngei kei in.Na it khat tawh na omkhop / na ki ten khak hamphatna khat hi ci-in ngaihsun zaw in.Numei te in, midang kiangpan pahtawina azaksa’ng in- a it alawmpa kiang pan pahtawina kammal za nuamzaw uh hi.manpha zong sazaw uh hi.

2. Atheilo ki neih kei in

Numei te pen- thanem baih, patau baih uh hi. a it mahmah te thu tawh kisai ahoih ding deihluatna lungsim tawh patau baih/ khasia baih uh hi. Haksatna/ na thanemna khatpeuh aom ciang nazi or nalawmnu kiang gen tangtang in. Amah! a tha nem ciangzong a khutpan len cinten (or) angpom cinten-in thapia zel in. nasep napai ma-in na zi zong (kiss) or- ongngai mahmah ingh cih! kammal pauhamtang in.Inn na tunkik ciang zong angpom zel in.tua bangaa- itna lahna pen- numei te aading in lungkim huai mahmah phadiak hi cihi.

3. Maisia/ hehna maitanglak ngeikei in

Numei khattung ah hehna maitang lak aa khapet venvan maitang sa’ng aa mai siazaw omlo hi ki ci hi.Ei pasal te zong apualam nasepna ah sumzong pai zong in, ih buai mahmah bangin, numei te zong innsung buaina tuamtuam tawh amau zong manlah mah2 uh hi cih mangngilh ngei kei in.Na zi / na lawmnu in, inn nasep teng sem aa, nang apualam ah lungnuam tak aa sumzong thei na hih lam zong mangngilh ngeikei in.na khualzitna, na nasepna pan- na tun kik ciang ngaihno aw- inn nasep tengtawh na gimna/ natawl lua hia? ci den le teh na zi aa ding in agim,atawl na teng bei phial hi ki ci hi.khat leh khat tua bang aa na gim hiam ci aa kidongh aa- gim keng! ki ci ciatna pen- innkuan sung ah ki lemna tawhtang (key ) pikhat hi ki ci hi.

4. Ki dem ciat hi

Pasal te nasepna ah- ရာထူး/ thuneihna ih ki demmah bangin, numei te zong, kei lawmpa/ kei Pasal tua ci zaw. cih ki dem den nuam uh hi.Tua a hih man-in, mi muhna ah na zi/ nalawmnu pen- itna lak zel le teh! midang te in a haza’t liang ding aa pasal hoih a nei mi khat anei amah bek aom bang aa ki ngaihsun liang ding in vang pia in.tua hi leh! nangzong na lawmte kiang ah, aman zong vang ong pia kik thei ding hi.

5. Mu thei veve uh hi

Numei mel hoih khat na muh teh! na et nop mahbang in, amau ( na zi, na lawmnu) te-in zong pasal mel hoih mu le uh, en nuam veve uh hi.bang2 hi ta leh! a hehhuai ha’ng in, amelhoih pasal a en numei te lungsim in, amel hoih a en pasal te lungsim sa’ng in, siangtho zaw lai hi na ki ci se hi.numei te muhnopna lungsim pen- van hoih khat hoih asakna bek tawh a en/mu nuam bek hi aa, pasal te dan aa- hua ci lam aa ngaih sun lo uh hi ci sese lai ei.

6. Vua/sat kei in

Numei khat tung ah khutlum / vua-saat pasal khat sa’ng in, avangkiam zaw omlo hi ki ci phial hi.ih ki it/ kingaih taktak leh ! khat leh khat ki theihsiam kul aa- thatang (or) ki vua’k kullo hi.na it kei aa leh- nang leh nang na lungsim ki sittel in la, na ki zawh mahmah kei aa leh- athu hoih pen ding in, amah suahtakna pia in.( ki khen zaw ding cihna) a hihi.

Hih atung aa thuteng aki cingaa na zuihzawh nak uh leh- innkuan sung, ki it ki ngaihna pen atawntung ong kip hamtang ding hi. Naalian Zomi (Denmark)