Na khitui abeidong in kap ziau lel in ~ Dong Mung

Na khitui abeidong in kap ziau lel in ~ Dong Mung

Na sa lua-in na lungtang a tamzaan phial hiam?

Na khitui a bei dongin kap ziau lel inla, tua vai hangin khatvei zong khitui luan sawm nawn kei in…

Na lawmngaih in hong khen ciangin na sa lua mahmah mai na hiam?

Na khitui a bei dongin kap ziau lel in…Ama hangin khatvei zong khitui luan sawm nawn ken…

Na lawmit in hong taisan in, hong awlmawh nawnlo a, hong mangngilh ciang na sa lua mahmah na hiam?

Na khitui a bei dongin kap ziau lel inla, ama hangin khatvei zong khitui luan sawm nawn ken…

Na it penpen in hong nusia in, hong kitheihmawh bawl ciang na sa lua na hiam?

Na khitui a bei zongin kap ziau lel in…Ahi zongin ama hangin khatvei zong khitui luan sawm nawn ken…

Tu-in na lungtang na lua hiam? Na khitui khaamzawh loh zah dongin na mit pan hong luangkhia ahi hiam? Na ngaihsut khak ciang na sa lua na hiam? Na zalmang hileh ci-in na khitui a luang kha hiam?

Na khitui a bei dongin kap ziau lel in…Ahi zongin tua hangin khatvei zong khitui luansak sawm nawn kei in…

Mangngilh bawl lel lecin…

Khitui luang ziahziah liangin na ngai ngaungau, na phawk ngaungau, na awlmawh vanvan phial zongin nang hong nusia, hong taisan, hong awlmawh zolo mi khat adingin bangmah phattuamna omlo a, zong a cimul thosak tuanlo hi.

Tua ahih manin a manpha na khitui malte paammaih lua hi. Ama hangin a luangkhia na khituite tu-in a luang dingteng luang mang sak inla, tu-a ban siah khatvei zong luangsak nawn peuhmah kei in… Dong Mung