Myanmar gammi khatin Malaysia Police khat satliamgawp

Myanmar gammi khatin Malaysia Police khat satliamgawp

Malaysia, Kedah State sung aom Kulim District sungah Myanmar gammi pawlkhatin Police khat satliamgawp cih Kosmo News pan kiza hi. Tuesday zingsangtunglam in Kulim, Taman Desa Aman vengsung aom vanzuakna Shop maikhat ah asatliamgawp kici hi.

Tua Police papen nakliam mahmah in, apumpi muntuamtuam ah liamma omkawikawi a, aveilam abiangzong limliam mahmah hi.

Buaina apianhun pen zamkim khitdeuh 12:10am hunpawl kici a, asatpa pen Myanmar gammi khat hidingin ki ummawh cihi. Banghangin ki satliamgawp uh cihpen kitheician nailo a, ahi zongin tuabangin asatpen Myanmar gammikhat hiding kici citciat hi.

Hihvai tawh kisai in thunei ahi State CID chief Senior Assistant Commissioner Mior Farid Al Athrash Wahid in agenkhiatna ah hih buaina Incident pen khuasung mipite’n hongzasak uh cihi.

Tua buaina ah aliamgawp Police pen Kulim Hospital ah amanlang in kipuaksak a, aliamma te Surgery kibawlsak in tuciangciang bangmah lauhuaina omnawn samlo, Stable Condition kici hi.

More: Malaysia Johor ah Boss numeikhat kithahna vaitawh Myanmar gammi nasem 2 kiman

Hih buaina pen mihing ki thahlup sawmna “Section 307 of the Penal Code for attempted murder” tawh thu kibawlding cih a, asatpa pen aki zonsan laitak cih kiza hi. Hihvai hangin Kulim District sungah Myanmar gammi te hongki encik, hongki mudah mahmah khading ahih manin, ki dopsiamding thupi khading hi.

Malaysia gamsung ah Ramadan kipan tading

Malaysia gamsung ah Muslim te antanhun Ramadan pen hongtungding Thursday ni akipan akipanding hita hi. Hih Ramandan azat hunding tawh kisai in Keeper of the Rulers’ Seal, Datuk Seri Syed Danial Syed Ahmad in tangkona neikhiata hi. Ramadan hunsungpen abeisa kumte mahbangin khuasung ah palik hong tamphadiakding ahih manin hawhna ciahna ah kidawm ciatni. Tuaban ah palik ulian honkhatzong apanmun kilaih uh ahih manin, abeisa hunte ah akizangthei ki theihsiamna “naa-le-muh” cihte hong omnawnlo khatheiding hi. Sawltak #zomidaily