Myanmar in Gang Rape, Domestic Violence tawh kisai Bill Draft ta

Myanmar in Gang Rape, Domestic Violence tawh kisai Bill Draft ta

Dec. 29, 2016: Myanmar kumpi in zan in numei hon buan/pawngsual (gang rape), numeite gai napi a teenpih nuam lote leh zite tungah ngongtatna (domestic violence) gamtangte dan piakna ding thukhun bawl (drafts bill) a, parliament in thukimna a piak leh thukhun taktak suak ta ding hi.

Kawlgam ulian khatin hih bangin thukhun a kibawlna pen numeite hamphatna (rights) lap tohna ding hi ci hi. Director of the social welfare department Naw Tha Wah in hih bill pen thukhun thak (new law) hi a, gang rape a kigolhte sih dan piakna ding leh domestic violence pen thukham palsatna hi cih lah masakna hi ci hi.

Tua loin hih bill provision kibawlna ah numei tawh nupa bangin om khawm, teng khawm (lived together) napi a teenpih nuam lote thonginn ah kum nga kia thei ding uh a, numei tawh nupa bangin om/teng khawn in gaisak napi a teenpih nuam lote thong ah kum sagih kia thei ding hi ci hi.

“Hih bill pen numeite humbitna ding leh numeite tunga ngongtatna dalna ngimna tawh bill draft kibawl hi,” ci-in Naw Tha Wah in AFPte kiangah ci hi. Tu lian in numeite tungah ngongtatna gamtatna dalna ding leh nasepna munte ah numeite sex lamsang ah a nawngkaisakna leh buaisakna (sexual harassment) dona ding thukhun om nai lo hi.

Kawlgam ah thukham pasalte dan piak theihna ding penal code kici numei buante dan piakna ding a om hangin tua thukhun sungah zite bawlsia pasalte dan piakna ding thukhun om nai lo a, numei kum 13 nuai teenpih a bawlsiate pen dan piak theihna ding thukhun om hi.

More: 2017 Vision bangcineih ding ~ Jeffrey Pau Do Lian

Ahih hangin Kawlgam kumpi in gang rape, domestic violence leh numei teenpi nuam lote dan piakna ding thukhun (bill) a bawl hangin parliament in thukimna a piak kei leh hih bill pen a mawkna suak thei veve lai dinga, thukhun/thukham hi thei tuan lo ding hi. Source: AFP/ Thang Khan Lian