Myanmar gamsung ah tukum kha 3 sungin Human Trafficking Case 61 omkhin

Myanmar gamsung ah tukum kha 3 sungin Human Trafficking Case 61 omkhin

Myanmar gamsung ah tukumsung kha 3 sungbekbek in mihing kizuakna “Human Trafficking” akigawm in Case 61 phakhinta cih Eleven Myanmar pan kiza hi. Human Trafficking cihpen atomin mihing tungtawn in sumzonna cihding himai hi. Tuabang in mihing tungtawn in sumzonna lakah numei kizuak “Sexual Exploitation” leh zawhthawh thutawh na kisemsak “Forced Labour” cihte tamphadiak hi.

Anti-Human Trafficking Police Force te pulakna ah tua Human Trafficking Case 61 te tungtawn in mihing azuak mawhnei mi 177 tezong ki mankhinta cihi. Tua akimankhia Culprits te lakah 51 pen pasal hi a, 126 pen numei ahihi.

Mihing kizuakna Human Trafficking ah zuak athuak atamzaw pen numei te hiphadiak a, tuabang nasep asemzong numei temah natamzaw leuleu hi.

2018 kumsung January panin March kha kikal, kha 3 sungin Human Trafficking tawh zuak athuak pen mi 89 phakhinta hi. Tua zuak athuak te lakah 11 pen pasal hi a, tualo adang 74 pen numei hi in, numeino kumcingnailo mi 4 zong kihel uhhi.

Myanmar gambup aki etkak ciangin Shan State sungah Human Trafficking tampen a, Case 18 om hi. Tuazom ah Yangon hi a, Case 16 phahi ci’n Anti-Human Trafficking Police Force genkhia uhhi.

Myanmar gambup Percentage tawh akituat ciangin Shan pen 31%, Yangon pen 29%, Mandalay pen 13%, Kachin pen 8%, Bago pen 5%, Tanintharyi, Mon, Rakhine cihte pen 3% ciat hi a, Kayin pen 2% ahihi. Human Trafficking Case lakah Chin State kihel khalo hileh kilawm hi.

Tuabang in Human Trafficking tawh akiman te lakah numei 45 tepen China ah akipuaksawm ahihi. China ah zawhthawh thutawh pasal neiding “Forced Marriages” in akipuaksawm ahihi.

Tuaban ah Thailand ahzong zawhthawh thutawh nasemding “Forced Labour” in mi 1 ki puaksawm hi.

More: Human Trafficking acih banghiam?

Gampualam gamdang bekthamlo, Myanmar gamsung mahmah ahzong zawhthawh thutawh nasem, innteeng “Maid” cihbang in akizuak om cimawk hi.

Tuate sangin ahuasiazaw ahihleh numei 12 tepen zawhthawh thutawh numei kizuakna ah kipuak “Forced Prositution” cimawk hi. Sawltak #zomidaily