Munkhai’nu tung’h lungdamkohna ~ Lengtong Pauno

MUNKHAI’NU TUNG’H LUNGDAMKOHNA

Ahoihpen aphapen alempen anuampen ding i utpen ta zongin, tuni tuhun tulian laitak i dinmunh tawh apiangthei nawnlo ahihmanin ihi bangbang kahi bangbangin lungkim in Topa kakou hi.

Tuni tuhun a nong nusiat nong taisan zenzen hangin, nang tungah kambek tawh koh zawhlohding lungdamna lianpi kanei hi.

Genthei haksapi in naupaai in, sihlang natna tawh nausuak in, tua naungeekte na nawitui tawh vaakin, azun aek siak, anat asat uhciang lungkham lungbuai zanhahpih in, anmuam Siansinthu muam in, pasal tangval3 nong khan’ suahsak hi.

Nangtung sang’… ka lungdamzawk nading, Pasian longal kuamahdang omlo hi. Cikmah hun a abei ngeiloding lungdamna ahi hi. Topa’n thupha hongpia hen, Amen.

Ka lungdam, Munkhai’pa

INNNUPI NAVAAK ACIHTE…

Zogam khuaneu khat ah tanuno2 leh tapano1 aneipan aki it aki ngai mahmah nupa innkuan khat aom uhi.

Nupa khanglai cidam thahattuak te ahih bangmah uh’n, innteeknu zong sun an zan an anezoden mahmah khat ahi hi.

Innteekpa in, zan khuavakin gina kician ngentel kuhkal taka na asep zawhni zingsang khat, atate ommai kimawlin diangdiang uh ahih manin, anu uh ong haanglala hi.

“Ommaimai kimawlmawl diangdiangkei sin vua. Napa uh phawng’ nuteh. Napa uh gim mahmah tawl mahmahding salo nai vua” cilala hi.

Innteekpa in, zan khuavaka gina kician ngentel kuhkal taka na asep zawhlohni zingsang khat leuleu ciangin, naupangte ommai diangdiang kimawlmawl napi uh’n, taii’ vetlo paupih vetlo thamloh, ” Napa uh phong sinvua, tu tantanh, bang luplup hiam? Bang asep, bang abawlna a tawl kisa hiam?” cilala leuleu cizen ei’…

Zomi numei zi aneihhuai veve mah ai’dia? haaaa

Ka lungdam, Munkhai’pa

Video: Tuunnu Itna Abei Zongin ~ Lengtong Pauno

https://www.youtube.com/watch?v=X-5WTHNOTNQ

ZOMI PAPI TE’N AZITE UH ANEEKNGAIHDAN

Zi le tate’ nuntak nading angaihsutna bekbek a, innsung papen in, duh talezong/kial talezong aduhlo akiallo banga om.

Innvai lovai gamvai nisim aa buaiden. Khawl hithiat aa anletui zong neman dawnman ngeilo, sunsial zansial, nisim naisim gim mahmah, tawl mahmah hiden.

Zan hongtung takpita, gim le tawl pipi maha azi kiangah honglumsukta, acidam asisanhat agimlo atawllo, a ankam alimden azi in, lametna lianpi tampi tawh apasal alupsuk takcianga akalka heehaa… hulaang heuhau sak,

Innteek papi’pa zong, gimlua tawllua ngaploh cihtak a ngaplo hinapi, a innkuanpihnu azi ait angaih ahehpih athukhual aneekngaihluatman’bekbek a, ngaplo sasa a, azi’ tungah kahto in: ” Khuiii… ngapkei liangtak mahsiang maw” ci nguutnguut liang hi.

Theihding: Zomi papite’ thukhual hehpih, zite itna leh neekngaih ngaungauna hizahdongciang ahi hi.

Zomite pen, pasal a aneihtaak mah nahikhong.

Cimphawng cipakni maw…
Ka lungdam, Munkhai’pa