India, Mumbai meileng Station ah mipi kiphugawp in mi 22 si, adang 30 bang liamgawp

India, Mumbai meileng Station ah mipi kiphugawp in mi 22 si, adang 30 bang liamgawp

India, Mumbai meileng Station khatah mipi kiphu, kisawn gawpin buaina lianpi piang ahih manin mi 22 in sihlawh a, adangzong mi 30 bang liam cih The Guardian pan kiza hi. Tuni Friday zingsanglam mipi atammahmah hunlaitak “Rush Hour” hunin thupiang ahihi.

Mumbai, Prabhadevi Station leh Parel Staion kikal khetawh kikawmna in akizang Footbridge tungah mipi te akisawngawp uh cihi. Tua buaina apianhun laitak in guahzong tammahmah a, mipi te zingsang apainading uh zuantek in akin ngeingai mahmah laitak un thubuai apiang ahihi.

Mumbai Police Official khat ahi Ganshem Patel in agenkhiatna ah hih buaina akipatna pen Footbridge lei aki cipsukding mipi te kipatau in akiphutgawpna panin mipi buaina apiang hiding cihi. Concrete akiasuk khatin tua Footbridge dengkha in, mipi te pataugawp uhhi.

Indian Railways spokesman khat ahi Anil Saxena in agenkhiatna ah tua the FOB (foot overbridge) lei tungah mipi pen adim zihziah hi a, tuaciang in mihonpi te’n thakhatthu in pusuah khiatsawm ngeingai uhhi. Tualaitak in pawlkhat akhe taalin tukmasa uh hiding a, tuapanin mipi kiphugawp, kisawngawp in buaina akipan hiding hi ci’n genkhia hi.

Adang Spokesman khat ahi Ravinder Bhakar in agenna ah tuzingsang pen guahzu, guahtamlua mahmah sawnsawn ahih manin nidang sangin tua FOB (foot overbridge) tungah mi tamzawtham cihi. Guah azuk ciangin pawlkhat aki buding in taingeingai ahih manin, mi aomngeizah sangin tamzawtham cihi.

Indian TV channels te’nzong mipi aki phutgawpna, aki sikkhak gawpna te TV panin khahkhia uhhi. Tua lei tungah mipi atuksuk aom ciangin kisiksuk khagawp in, kuamah ki awlmawhman nawnlo in, anuai ah mi honkhat in asihlawh uh himawk hi.

Video: Mumbai stampede: at least 22 killed in fatal rush-hour crush – video report

Indian Officials te’n agenna ah aliam tezong liamngawh mahmah uh ahih manin, misi pen ki behlap totothei khading hi ci’n genkhia sawnsawn uhhi. Mumbai Police te’nzong aliamte akibawl nadingin sisan apiakhiading Blood Donation tampi kisam hi ci’n huhngetna tangkokhia uhhi.

India gamsung ah meileng kilimzat mahmah in, meileng tuahsiatna zong tammahmah hi. 2015 kumkhatsung bekbek in India gamsung ah Indian Trains meileng tungpan in kia in asi mi 26,000 pha cizen hi.

Related: India zato khatah Oxygen akicing in omlo ahih manin mi 64 sikhin

Mumbai’s suburban railway network tepen leitungbup ah alauhuai penpen leh mi tamapua neknak penpen “most crowded” inzong aki ciamteh ahihi. Tukum 2017 kumsung tuciangciang India gamsung meileng tungpan in akia asi pen mi 410 phakhin cihi. Aliam bekbekzong mi 931 phakhin hi ci’n nung Friday ni in Mumbai Mirror te’n pulakkhia uhhi.

Note: Laimalgawm leh laigual “Spelling & Sentence” akikhial, adiklo tampi omkhading hi. Magazine leh Newspaper te bangdan in laidal tungah aki Print khiading hisamlo cihtawh, kisik kikkik mannawnlo takpi hi. Khialhna tampitak omkhading a, lungduaitak in nongsimsak, nong theihsiam manun lungdam hi. Kisapna, kicinlahna, thanemna te Comment ah hong zasakkik zelzel unla, deihsakna takpitawh Constructive Feedback nongpiak zelzel nading un kongthum uhhi. Lai nongsimsak lungdam, Sawltak #zomidaily