Selfie Photo kizaihkhawm sangnaupang te’n anungah alawmpa tui akiatlam phawklo
India gamsung ah sangnaupang honkhat tuibualkhawm dingin kuankhia uhhi. Tui lungkimtak in abual dikdekkhit uhciang in alawmta teng un gualnuamtak in Selfie Photo kizaihkhawm ngeingai uh a, tuaciang in ciahkhia uhhi. Tua Selfie Photo te a etkik uhciangin anunglam Background ah alawm khatpa tuikia cimawh in aomlam phawkkhapan uh cimawk hi.
Hih sangnaupang tepen Southwestern India’s Karnataka State, Bangalore City sung aom National College pan kici hi. Selfie Photo akizaih laitak un tuikia in acimawh alawmpa uhpen sisuak cimawk hi.
Tua asisuak sangnaupang pen kum 17 aphakhin, Vishwas G kici minnei khat ahihi. Hihpa pen alawm tetawh gualnuam in Picnic apaikhawm uh ahihi.
Kanakapura geinai Ravagondlu aom Temple khatah College Trip apaikhawm ngeingai uh hi a, tuakawm in tuikicing bualsung khatah tui abualkawm uh ahihi.
Tua tuisung panin aciahkhiatma un tua sangnaupang te lungkimtak in nuikawm, gualnuamkawm in Selfie Photo kizaih uh a, ciahkhia uhhi.
Sangnaupang khatpa in agenkhiatna ah tui lungkimtak in kabualkhit uhciangin Gundanjaneya Temple panin ka ciahkhia uh a, alawmpa amangcip ahihlam ka phawkkhakei uh cihi.
Ahi zongin tuibualna Selfie Photo te a etkik uhciangin anung Background ah alawmpa uh tuikia cimawh in aom mupanmawk uhhi. Tuaciang in NCC Unit Chief Prof Girish zasakpah a, tua tui akibualna phualah delhkik ngeingai uhhi. Ahi zongin aki lehkik uhciangin naikhatbang valkhinta a, tuikiapa ii aluanghawm pen muzo nawnlo uhhi.
Local Police Officers te’n azonzon uhciangin asipa ii luanghawm pen mukhia uhhi. Kaggalipura Police te genkhiatna ah sangnaupang pen akigawm in mi 25 cihi.
Asi sangnaupang ii anu apa tepen khasia mahmah uh a, atapa asangkahna National College apualam ah aluanghawm tawh tukhawm in lungphona nei uh cihi. Hih sangnaupang te khualzinna College Trip ah amakai ahi Lecturer te’n sangnaupang te hoihtak enciklo ahih manin, katapa un asihlawh hi ci’n lungkim hetlo uhhi.
Police spokesman khatin agenna ah anu apa te’n Police Report zong bawlin Complaint khin uhhi. National College Management te gitnat lohna hangin katapa un asihlawh hi ci’n lungkim hetlo hi ci’n genkhia hi. Sangnaupang adangte khatkhitkhat abanban in thudotna kineiding a, athu hoihtak ki kankhiading hi ci’n palik thunei te’n genkhia hi.
Related: Ferris Wheel geiah Selfie Photo kizaihna panin aluvun kihawk
Note: Laimalgawm leh laigual “Spelling & Sentence” akikhial, adiklo tampi omkhading hi. Magazine leh Newspaper te bangdan in laidal tungah aki Print khiading hisamlo cihtawh, kisik kikkik mannawnlo takpi hi. Khialhna tampitak omkhading a, lungduaitak in nongsimsak, nong theihsiam manun lungdam hi. Kisapna, kicinlahna, thanemna te Comment ah hong zasakkik zelzel unla, deihsakna takpitawh Constructive Feedback nongpiak zelzel nading un kongthum uhhi. Lai nongsimsak lungdam, Sawltak #zomidaily
Comment piaknop aomleh...