MSN Messenger ki khakcip tading

MSN Messenger ki khakcip tading

Microsoft Company panin akibawlkhia MSN Messenger ahih keileh “Windows Live Messenger” akici Messenging Software pen hongtungding October 31 ni ciangin ki khakcip (Shut Down) tading hi ci’n Microsoft te’n tangkokhia uhhi.

Nungkum April 2013 pekin leitungbup aom MSN Messenger azang User khempeuh Skype ah ki tuahding Email tawh a zaksaksa uh ahihi. Ahi zongin Sengam (China) bekah tunidong zangsuaksaklai himah taleh Sengam pan MSN Messenger azang khempeuhzong October 31 ni akipan Skype ah aki tuahloh phamawh cih hong hita hi.

Microsoft Company te’n MSN Messenger pen 1999 kumin hong bawlkhiat uh ahihi. AIM leh ICQ cihte tawh hongkidem toto a, MSN Messenger ah Emoticons, Games, Nudge cih Feature tuamtuam hong behlapto in hong minthangzaw uhhi. 2005 kumciang in MSN Messenger pen Windows Live Messenger cihtawh amin hong khelto uh a, khasim azang User bekbek pen 330 Million phaden hi.

Skype pen 2003 kum in Janus Friis leh Niklas Zennström te’n hong bawlkhiat uh hi a, 2011 kumin Microsoft te’n $8.5 Billion tawh aleisawn ahihi. Microsoft te’n MSN Messenger khawltading a, amau neihsa mah ahi Skype zatding ahanthawn uh ahihi. ZD Sawltak