“Mount Etna Volcano” meimual puakkham in ageinai aom mi 10 liam

“Mount Etna Volcano” meimual puakkham in ageinai aom mi 10 liam

Italy gamsung aom Sicily Region sungah “Mount Etna” kici meimual puakkham in ageinai ah aomkha mi 10 peuhmah liamding cih New York Times pan kiza hi. Mount Etna pen Europe gamsungah meimual agolpen leh apuakkhamden “Most Active Volcano” ci’n aki ciamteh khat ahihi.

Nungdiakteng asawtnailo hunsungin tua Volcano panin “Red Lava” akici buanciim phulkhia in vandawn ah kiphitto ziahizah ci a, gamlapi aom Sicily paninzong ki galmuhthei cihi. Thursday ni zingsanglam in hih meimual anai ah a endingin apai Tourists pawlkhat ageinai anehkhak laitak un puakkham in mi 10 peuhmah liamding kici hi.

Tua aliamlak ah BBC Science Reporter khatzong kihel in, tua Reporter nu ii genkhiatna ah “mi tampi liam, pawlkhat alu liam in meikang tawh, aki kuikha tawh kiliam kawikawite” ci’n BBC Reporter Rebecca Morrelle in genkhia hi.

Meimual puakkham aging pen ginngaih mahmah a, hihbangdan Experience bel khatvei tuakkiknuam hetkeng ci’n genkhia hi. Meimual thu atheimahmah Volcanologist khatinzong kum 30 sung ka Experience lakah hih meimual puakkham katuahkhak pen lauhuai penpen hi ci’n genkhia hi.

Video: 10 injured in explosion on erupting Mount Etna volcano

Hih Mount Etna Volcano puakkhapna ageinai ah akihel khate asi kuamah aomlohpen kampha mahmah hizaw kici hi. Volcano puakkhapna panin suangthemnen alengkhia tampi om in, samahmah sawnsawn hi. Red Lava zong ki thehkhia zuahzuah ahih manin, tuabang kawmkal panin aliamciang bektawh suaktathei bilbel uhhi. ZD Sawltak #zomidaily