Motorcycle nungah atuang naupangno khat apei in zialkha in akhut kitankhia leulau

Motorcycle nungah atuang naupangno khat apei in zialkha in akhut kitankhia leulau

Thai gamsungah naupangno kum 5 aphapankhat Motorcycle anungah atuang hi a, apuanlum Sweater pen anunglam apeikawm ah awkkha citciat in, kizialgawp hi. Tuabangin apuanlumsilh Sweater aki vialhgawp ciangin naupangno ii akhutzong zialkha in, akhut kitankhia leulau cih The Nation pan kiza hi.

Hih thupiang pen nung Thursday ni in thupiang hi a, Motorcycle ahawlpen naupangno ii anu ahihi. Hihte nuta pen Thailand, Surin Province sungah ateeng uh ahihi. Anu in Motorcycle tawh atanu kum 5 aphapankhat anungah tuangsak in, avakpih laitak in Sweater puanmong apei in zialkha in, akhut langkhat asuplawh ahihi.

Hihbangin atuatsiat ciangin Surin’s Muang District panin ahuhkha Rescuer khatin agenkhiatna ah atuahsiatna munpen Pattamanon Road lamzikpi tungah ahihi ci’n genkhia hi.

Hihte nuta atuahsiat ciangin ahuhkha Chalongkrung Suwanbutr kici khatin naupangno ii atuahsiatna Photo pen Facebook tungah khahkhia hi. Tua Photo amukha khempeuh in naupangno pen ki hehpihciat mahmah in, tua Photo zong Social Media ah ki thehzakpah hi.

Tua Photo akhahkhiapa in agenkhiatna ah hih Photo ka khahkhiatpen Motorcycle azang nulepa te’n atate uh anungah atuansak uhciangin aki doptheih nading un Warning piakna in ka khahkhiat ahihi ci’n genkhia hi.

Tua naupangno ii apuanlumsilh “Pink Sweater” pen Motorcycle ii anunglam apeikawm ah awkkha citciat in, tuakhit ciangin apeikawm ah kizialgawp ahih manin, anunung ah naupangno ii akhut langkhat aki tankhiat lawhliang ahihi.

Tua akhut aki tankhia leulau pen aki zopkik theihkhakleh ci’n tuikhal “Ice” lakah kikoihsak in, amanlangin tua naupangleh akhut akitankhia tawh Surin Hospital ah kitaipihpah vingveng hi. Ahi zongin ziakailuata ahih manin akhutpen ki zopkik saktheiloding cisawnsawn hi.

More: Harley-Davidson panin abawlkhiat Motorcycle 251,000 te Brake hoihlo ci’n Recall kibawl

Naupangno pen sihlawh liangdingin gimgawplo, Safe Condition kici a, ahi zongin Doctors te’n limtak in kemin encik uh cihi. Motorcycle zatpen lauhuaina tamphadiak hi, adiakdiak in naupangtawh akithuah te’n Motorcycle tuanciangin kidop phadiakding thupi hi. Motorcycle azang nalawmte na Share sawn in, kidawm theituam khading uhhi. Sawltak #zomidaily