Mormon Church te thu atheinuamte ading

Mormon Church te thu atheinuamte ading

Mormon te thu taktak a thei lo tam pi ki om kha ding ahih teh tawm khat ong gen beklap nuam ing. Mormon te upna ah, Pasian pen eima bangmah mihing hi aa, Zi nei aa a zi taw a om khopna pan a tapa lian penpen Jesu hi. Satan pen Jesu ii sang gam pa hi. Leitung mi khempeuh zong pasian le a zi ii ta te ki hi aa, si le sa tawh leitung ah ih suah ma pek in ih tha in ki suak masa hi.

Leitung mi te mawkna nasia lua ahihman ong tan khia ding in, Pasian in a tapa a muan penpen te gel Jesu le Satan kua sawl zaw ding ka hiam cih a ngaih sutsut teh, Jesu ong pai sak hi. Satan zong ong pai suk nuam napi a pa Pasian in a sawl loh teh heh lua in, Jesu lang pang, a ngal pi suak hi.

Mormon te upna a ki cian mahmah dang pawl khat pen.

1. Jesu pen America leitang tung ah a 2 veina ong pai ngei aa, Jew te lak ah a vak koikoi bangmah America leitang tung ah na vak koi koi ngei hi.

2. Ngup khiatna ngah na ding in tui phumna ki sam teitei hi. Mormon pawlpi ah tui ki phum lo peuh mah van gam tung lo ding hi. A si sa khat zong mormon pawlpi in a thukim nak leh, a sih khit ciang tui phumna pia kik thei aa, van ngam ngah veve ding hi.

3. Pawlpi a phuan masa pen Joseph Smith hi aa, 1830 kum in ki pan hi.

4. Joseph Smith in Monroni aki ci Vantung mi khat tawh a mang aa, ki mu in lei nuai ah akiphum Pasian kam mal aki at kham laibu omna ong hilh ci hi. Tua kham tawh aki at Pasian kam mal pen lim lai taw ki at aa, kua mah in a sim dan thei lo. Kha siangtho in thupha pia ahihman Joseph Smith bek in sim thei. Tua kham lai dal te English in phen kik aa, Mormon te Lai Siangtho a piang hi.

5. The 4 gospel ih cih (Mat, Mak, Luke, John) pen ki cing lo hi. Jesu America leitang tung ah ong suak kik aa, a vak koikoi khit na thu at kik aa, tua tawh aki ngawm tak tek the real gospel hi pan hi ci uh hi.

6. Ih sih khit teh ih pai na ding mun pen mun 3 om sak hi. (1) Celestial Kingdom (2) Terrestrial Kingdon (3) Telestial Kingdon hi aa, Momon pawlpi mi te leh, mormon sung tui ki phum teng a 1na Celestial kingdom tung ding hi. Christian hi vanglak in mihing hoih te mormon pawlpi mi ahih kei uh leh, a 2na Terrestrial kingdom sung tung ding aa, mi gilo te mihing hoih lo te a 3na Telestial kingdom sung tung ding uh hi.

7. Polygamy aki ci pasal khat in zi tam pi neih theina zong um uh aa, mormon tam pi in zi li-li nga-nga (4-4 5-5) nei uh hi. Polygamy tawh kisai video ih et nop leh YouTube ah na en vun.

8. 1830 kiim khawng pen movie ah ih et thei cowbow te hun hi aa, mi atam zaw thau toai in vaak uh hi. Mormon te pen mi in mudah uh ahihteh ki en san mahmah in gaal zong hau uh hi. 1844 kum sung ni khat Illinois state Nauvoo khua sung ah mormon leh gaal te thau ki kap uh in pawlpi founder Joseph Smith si hi.

Mormon te upna tuabang ahihhang mi tampi in phamawk sa lo bilbel uh hi.

Romney ii tha nemna dang khat pen a tax return (tax a piak zak laidal) ki thei lo hi. President sem ngei khempeuh in kum khat tax bang zah ka pia uh ci in mipi in thei sak hi ka leh, Mit Romney in kum khat bek thei sak aa, tua lo kum dang aa teng mipi lak lo hi. Tax kum 10 sung bang pia killel lo hi ding hi ci in ki um mawk, ki seh, ki gen hi. Mi hau te a ding bek naa aseam ding president khat hi ci in mu ing. Ei mi nautang, a zawng te kiang pan tax hong khan toto nuam aa, mihau te tax piak a khiam suksuk nuam pa hi.

Mormon te upna tawh kisai ka ut-ut in ka gelh mawkmawk hi lo hi. Len Wood ii at “Hand book of World Religion” sung pan hi.

Kei muh dan a gen hi ing. Muhdan le saan dan atuamtuam om hi.

• TN & Awikhawm
• 3401 Sudlersville South
• Laurel, MD 20724
• Tel: 1-301-806-1608 (Cell)
• Tel; 1-301-776-6820 (Home)