Mohzuak Nupi khat tangthu

Nupi khat in moh a inn ah zuak den hi. Zingsang vanzuakna inn a honteh
a pai masa penpen a mawkna in pia den hi. Mi mawl pian Pasal khat in
hih a mawkna in a piak lam thei in Ni simin pai tawntung hi. Mi dang
mahmah pai masa ngeilo in Pasal pham kim mello khat nisim in a paiteh
Nupi vanzuak nu in hih pa lo midang bang hunin hong pai masa mawk ding
cih ngaihsun hi.
Pasal pa bekbek nisim in a pai denteh Nupi vanzuaknu in ka Moh zuakna
lak ah sih theihna Guu khahleng hih pasal pa si dinga midang hong pai
theih pan ding hi cih ngaihsun hi. A ngaihsut hangin hih taktak samlo
hi.

Guu sih theihna khah dingin pasal pa pia ding acih Ni-in a Tapa
neihsun Sang a kahna panin gilkiang dangtaaksa in a Nu kiang hong tung
biang buang hi. A Nu in ka tapa aw bang ciliang na hihiam acihleh a
Tapa in Nu aw ka gilkial lua in lamngei ah ka om laitak in pasal mihai
pian khat in ih Moh zuak namte tawm khat hong pia in tua ka nekleh ka
tha tawm khat hong om in kong ciah thei hi cih a Nu kiangah gen hi.
Tua pasal pa in moh zuaknu tapa ahihlam a thei cih bangte hilo hi.
Hehpihna neih icihte pilman haiman hilo hi cih ki lang hi.
A Nu in zong..aw…ka tapa cidamin nong tunzawh lungdam taktak hang ei
cihi. Pasal pa sih theihna guu pia hi zenzen leng ka tapa zong Si ding
aive maw cih mohzuak nupi in phawk velval in ahoihlo sep ding ngaihsut
thei nawnlo hi.

Mihingte in ih sepna bangbang ei mahmah in a ki at ding ahihlam
Mohzuak nupi nu in phawk sansan hi. Sih theihna ding, siat theihna
ding midangte tungah ih bawlleh ei tungah hong lehtung kik pelmawh kha
thei hi. Tuamah bangin tawmvei sung mihing nuntakna tomkal sung lel
lel Thuhoih Thupha lam ah kalsuan taak mahmah hi.