Mipi lam pan MP te panpih theihzia

Mipi lam pan MP te panpih theihzia

Hausa upa in, i kisapte i deihte lai tawh hoihtak in ong pia uh leh, enpha in kipuah sak aa hlwattaw ah kipuak saksawn thei ding hi.

Lai sung ah kihel dingte

(1) A kisap pen uh ii thu

Gtn. Sanginn thak

(2) A kisap pen ii kisapzia

Gtn. Sanginn pen tua kum pek pan hi aa, tun in lui mahmah ta in tuaci hici hi.

(3) A kisap pen ii thupitna

Gtn. Sang naupang tua zah pha in, khua kiim khua paam na ngawn in, a noptuam pih sang hi.

(4) Bang dan kisam

Gtn. Sia/siamah bangzah pha in, sang naupang numei bangzah pha aa, sanginn dingin a zaina, a sauna tuacia tuazah pha leh kilawm ding hi.

(5) Bang zah tung thei ding

Gtn. Tua sang pen banginn (sing inn maw, taih inn/ taih inn a hih leh bang dan nam), a zaina a sauna cihte tawh bangzah tung ding, nasemte thaman tawh bangzah bei ding, khat-maan zah sum tuat kholhna

(6) Bang tan sawt thei ding

Gtn. Hih inn pen tua dan a hihman in, a kipat theih ni pan kha bangzah kaai ding hi.

(7) Tua sang tawh kisai siate leh tua khua aa hausa upate ii letmat htuhna

(8) A mun a phual ii gamlim dan, khua kiim ah bang khua teng hi aa bangtan kigamla, Tedim tawh ae bangtan kigamla

(9) A sanglui pen ii maante a kiu kim pan aa kizaihna cih dan bang tawh hikhawm leh hoih ding hi.

Hih bang dan in kawllai tawh hong om thei leh, vai tampi nuamtuam ding hi.

Zato, gunlei cih dante zongh, hih a tung aa thu nam 9 teng kimtak in lai ong kipuak thei leh van zangin vai manlang tuam mahmah ding hi.

Hih teng mah a sem ding MP kisem i ci phial zongin mipi lam pan panpih theihna bang om ding cih ong kidong thei zel a hihman in kong gen hi.

Lungdam mahmah, Pu Thang Khup