Minthang Covid-19 Test result – Negative (Not detected)

Minthang Covid-19 Test result – Negative (Not detected)

COVID-19 ka test leh a result negative ngah ing. Natna Symptom lak aa a test zong ka hi kei aa, ahi zongin innkuan sung pan van lei leh zii pai aa nisim phial akipusuak den ka hih manin ka innkuanpih te aading ka khual na tawh ka va test sak ahi hi. Tu in COVID-19 Testing pen mun khempeuh ah free in ki test thei ta aa, doctor ii referral zong kul nawnlo ahih manin akua mapeuh ki test tek ding kisam ta hi.

COVID-19 test ciat ding bang hang kisam?

1) Pawl khat te COVID-19 neih lam zong kithei lo uh aa, tua te tung pan a innkuanbup un akilawh tam mahmah hi. Asymptomatic kici aa, natna nei khat natna symptom lak lo aa, a innkuan sung pan atha zawngkhal pen kiang lawh masa uh ci uh hi. US gam ah hi dan Asymptomatic tawh COVID-19 akilawh 50% pha ding ci uh hi. Abeisa hun te ah ei mi sung na leng tampi kilawh ta i hi hi.

Tua hi aa, akua mapeuh test ciat leng lungnop, lungmuang om ding ahi hi. Adiak diak in zii (market, grocery) pai leh van lei aa avak khia khia Inn Papi/Nupi teng bang in i ki sit (test) ciat ding thupi mahmah hi. Ken nei kei ning cih theih omlo aa, i Innkuanbup aa kilawh khit ciang bangmah kibawl zo nawnlo hi. Ahun om lai cih na hi. I neih khak (positive) leh zong ahun lap in kikembit ciat pah ding ahi hi.

2) Eimi te pha diak Khat leh khat zong kihawh nuam, kikawm nuam den tek i hih manin test bawl in i result kigen tek leng i kihawh ciang kilung himawhna, kiupmawhna om nawnlo pah ding ahi hi…

3) Nat na nei te tawh akisawh kha, akikhol kha, aom kha ten ki sit hamtang kul hi.

4) I nasepna pan zong ki ngah thei ahih manin mi honpi tawh nasem ten i kisit hamtang ding thupi mahmah hi.

Tua hi aa, sum bei lo, appointment zong bawl kullo aa ki test thei ta ahih manin akua mapeuh in test ciat in i innkuahpih te kembit tek ni. Maryland/DC kiim ah free testing sites: https://coronavirus.maryland.gov

ကိုဗစ် testing သွားလုပ်တော့ Negative ထွက်ပါတယ်။ ရောဂါလက္ခဏာပြလို့ သွားစစ်တာ မဟုတ်ပဲ မိသားစု အတွင်း နေ့တိုင်းလိုလိုစျေးသွားသူမို့ အားလုံးအတွက် စိတ်ချရအောင် test လုပ်ခြင်းဖြစ်ပါတယ်။ US မှာ ကိုဗစ်ကူးစက်သူ ၅၀% လောက်ဟာ Asymptomatic လို့ခေါ်တဲ့ လက္ခဏာ မပြပဲ ကူးစက်ကြတယ်ဆိုပါတယ်၊ ဒါကြာင့် မည်သူမဆို စစ်ကြဖို့ အရေးကြီးပါတယ်။ အခုချိန်မှာ testing ဘဲ free ဖြစ်နေပါပြီး။ COVID Testing လုပ်ခြင်းဖြင့် မိမိ မိသားစုကို ကြိုတင်ကာကွယ်ကြပါစို့။ Thomas On Sian Mung (Thomas Mung Guite) Washington D.C July 16, 2020