Zomi sung ah minam tawh kipawl in silh leh teen kinei a, tua te numei zat ding leh pasal zat ding kikhen silsial ahihi. Gentehna in numei in puam dum azat na mun ah’ Pasal ading puanlaisan kizang ahihi.Tua in Zomi numei leh Pasal dinmun kikimna akitelna ahihi. Pasal in Taangciing azat na mun ah Numei ading in Khephiau kizang ahihi.
Zo niik akineih mah bang tuhun ah Zo puan teen kinei hi. Ataktak pen tanglai in Zopuan ten omlo ahihi. Zoniik pen kinei leuleu ahihi.
Hih te zatzia ding in amunmun om ahihi. Zatzia ding te in ataktak ahuampi in mun thum in kikhen thei ahihi. Khen khat na ah kawng nuai siah,akizang silh leh teen ding te, Khen nih na ah kawng leh liangko kilak akizang silh leh teen, athum na ah liangko leh atungsiah akizang ding silh leh teen ding te ahihi.
A. Na kawng nuaisiah ah’ zatding akilawm in.
Kawngnuai siah ah a kizang ding silh leh teen te in minam huam silh leh teem ahih leh Niik leh Puan teen in akibawl leh amin neisa nam silh leh teen sung ah kawng nuaisiah zat ding van nam te ahihi. Amun sansan, amun tektek ah nazat na in nang leh kei ading in Youyar Yinkyimuh manphatna kilangsak bek ahihi. Nazat khiat leh minam ngeina leh dan atel lo te in adiktaktak mah sa kha thei ding ahihi. Tua man in Minam tawh akalsuang ( Anuh pyiner) lam te in hilhsiam na kisam ahihi.
B. Kawng leh Liangko kilak ah zat ding te in
Atam zaw Puamdum, Puan laisan ahihi. Tuhun teh, Pasian minphatna kikhopna, munte ah Banner tungah akizang penpen leh Siampi milian mipil te thu genna tau tung ah dawhkang(sabuai) khuh na kizang atampen zong ahihi. Tua kim lai niik in teengleng akilawm diam cih ngaih sun kik leng.. Pasian nasem siampi Pastor te, Leitung mipil dawlsang Dr te, leh gamuk Parliament te’n a silh puan tung ah 
akigelh suk a aang ah/ a awm mai ah akai suk ding puan namte niik in teeng hi zen leng Youya Yinkyimuh (ရုိးရာ ယဥ္ေက်းမူ) ahiding hiam cih nop huai ahihi. Kua mah in zong azat hetloh nam te ahihi. Ahoihzaw hi cihna sang leh kilawm zaw hi cihna sang in Minam puan in aminam te tawisang leh athupi sakna in tuhun khua hun ahihi.
BA, MA, Ph.D zo khin sa te in angawng ah akai suk pen niin in ateeng leitung ah minam kuamah aom kei hi. Phei tuam tual in ateeng zong om tuan lo ahihi. Gamkhat thuvai hawmna Parliament makai pipa (Thusapa) Thukhen Mangpi pa te neihtuam puanpi asilh puanpi tungah a anglai ah akizeek suk na puanpi gelhna zong niik in kiteeng lo ahihi. Kua mah in niik in teeng lo ahihi.
Tuamah bang in Leitung Christian biakna sung ah innteek pen RC siampi lian te pan kipan pope dong ah siampi puan te atual vive ahi a, a anglai ah akigelhsuk aokh suk puam nam te pheituam tuaul leh niik in kua mah in teeng nei lo ahihi.Adang Pastor te silh puan pitungpan a anglai ah akisuk akigelhna puam nam te niik in iteeng lo ahihi. Kawl gam sungah minam tuamtuam te silh leh teen te hoih tak in en kik gige leng koi cibang in zang hiam cih kitel thei ahihi. Tua in Youyar Yinkyimuh aman neihna ahihi.
Pasian in lungtangsung ah khuak akoih pen amun san ding ah akoih hi in Mihing khuak om na ding in tawbo, phei bul ah khia suk lo ahihi.
Pasian in sin leh lungtang te ngawng leh kawng kikal ah koih in leitung mipil te theih tawmna tawh kalkawm ah sin leh lung kikoih theih tuan hilo ahihi.
C. Siamsin na minphatna lukhu neelkai
Leitung ah lukhu nelkai amel tuamtuam tam mahmah ahihi. Zomi ading in bel Akgia sawnkai nidang in kinei ngei hi a hi a,Lai itheih ma hun ahihi. Tuhun ah mipil tampi Zomi sungah aki om hang in mipil misiam lukhu nelkai ding zong akibawl khia thei nailo ihi lai ihihi. Design ding mahmah zong kimukhia lo ahihi. Kul kei kisam kei kici hi zaw sop ahihi. Hi munsa in Kawlte pau in Anuh pyiner aisiamlohna hongkilangsak mahmah ahihi. Gam leh Minam ading in nasep na ah tu hun teh Anuh Pyiner cih in tampi makaih mahmah ahihi. Genteh na Census vai athu teng amin khit teh kumpi in Lasiam te leh kineihsiam te hantawnsak ziau hi. Tua in ama siamna Youyar Yinkyimuh azat siam na ahihi. lungdam!
Hau Thang
Comment piaknop aomleh...