Minam lian kician tak suahna ding thupi nam (10)

Pasian in na khempeuh anam anam in bawl hi. A namnam in kikhawl sak, omsak hi. A namnam in ngam tang sak hi. A namnam in kampau awsuah kidang sak hi. Namkhat pau natheih leh kamtuam pau athei na hihi. Ganhing te enleng Leitung ah anung ta ding, Tuisung ah anung ta ding , Huihsung ah khua sa ding in bawl a, avek in kibanglo in bawl hi. Amel kibangsak lo hi. Aham apau ki bang saklo hi. Leitung ah anungta ganhing khempeuh zong khe nih nei khe li nei , khe sawm nei, khe tampi nei’ lungno tuamtuam te dong in kibangsak lo hi.

Tua mah bang in Tuisungah nungta ganhing te zong amel kibang lo ding in bawl hi. Akhe uh zong kibang lo cih ding hi pah hi. Huih lak khuasa ding vasa te zong amel kibang lo ding in bawl hi. Tua hi- in leitung ganhing, tuisung ganhing, huih lak ganhing te alam pai zai uh akhe neih zia uh kibang lo bilbial dingin Pasian in bawl bilbial ahihi.

Tu ni in ei Zomi te zong khangto in minam lian ding in mapan ila ta hi. Tua minam lian suah nading in apicing mapan lak na ah bang teng in minam lian hong suak sak thei ding hiam cih i ngaih sun tek hi. Tua ngaihsutna zong kibang kim het lo ding in pasian in bawl zo ahihi. Leitung minam lian te asung thu itheih pih tam lo na pi apua lam pan akimuthei minam lian ahih na thute mah’ ei ten zong zang in, thei in, kep siam leng minam lian a ,hong kibawl Pasian teel minam kici te i hi pah hi cih ka um hi.

Leitungah minam kibanglo mel kibanglo, pau kibanglo, duh leh deih kibanglo minam tam pilak ah Zomi om mahhi’ Zomi om mah ung. Minam lian hi dinghi .Ih minam lian dinghi.Minam lian kician suak dinghi cih ngaihsutna i nei tek hi. I kisap penpen Zomi namlian suah nading in bang teng hiding hiam?

Kaphawk khak pawl khat ah:

1. I kampau Zopau peuhmah ituntun i omom na ahzang den dih ni.
2. I Zongeina hoih ahi kithu khualna, Nu lepa zah tak na Pute zukholhna Pasian nasem siampi te zah takna , Nu le Pa it na kem cing den ni.
3. Zomi tawh kipawl i ngeina van zat te puah kemcing ni, Minam puam mahmah citanghtangh in nithupi ah silh zihziah ni.
4. I Zolai te puahsiamzun siam kepsiam zat siam ding in ita itu te pan tah kim tek ni.
5. Zomi minphuah zia te khel kawikawi kei ni. Mikang ,Mivom, Kawl leh Vai min peuh engsese kei ni.
6. Zomi sungpan ama dawk zaw,mipil, misiam, Milian, Mihau ih om leh minam leh gam kimang ngilh bawl kei ni.
7. Zomi in om pen nam neu lua in anamlian minam te Kawl leh Vai, Mikang Mivom te paangbelh ding sawm kei ni.
8. Kipawl na min tuamtuam phuang phawng phuah(PPP) zel kei ni.kisam a, min phuahna aom leh Zomi mahtawh kipan kihel tektek sak ni.
9. Zomi in Zola mah phuak in zola mah tawh khangno te makaih ni. Kawlla ,mikangla theih ding bek in koih in’ zomi in namdang kampau tawh la phuak in nau te sa sak kei ni.
10. Zomi ,Zolai, Zopau ,Zo Ngeina zumpih heihai nawn lo in phuah semsem zaw ni.

Tua hi leh minam lian kician suah na sungah kihel thei hi ta hi. Pu Zokhai in ei mau mah kizuak leng Zomi hiung , mah ci in genkhia leng Ei bek hilo namdang te in zong Zomi te minam lian minam kician khat ihna hongtheih pihpan ding i theih huai, i ciin huai thu ahihi.

Hau Thang