Italy, Milan khuapua ah meileng tuahsia, mi 3 si in adang 13 liam

Italy, Milan khuapua ah meileng tuahsia, mi 3 si in adang 13 liam

Italy gamsung Milan City ngeinai ah Thursday ni in Passenger apua Commuter Train kici meilengkhat kibung in mi 3 peuhmah sikhinding cih Reuters pan kiza hi. Asi mi 3 banah adangzong mi 13 bang nakliam mahmah uhhi.

Tua Commuter Train meileng tuahsiatna pen Northern Italy aom Milan City geinai ah hi a, tua meileng tungah akigawm in Passenger mi 250 bang atuang uhhi ci’n Regional Authorities te’n genkhia uhhi.

Hih meileng pen Trenord kici te ii Operate hi a, zingsanglam 7am hunpawl in Milan City ii apualam Pioltello Limito Station phamadeuh ah ataina sikzawn tungpanin apialkhia ahihi ci’n Italian state-owned rail company Ferrovie dello Stato (FS) te’n genkhia uhhi.

Asi mi 3 teleh aliam phadiak mi 13 te khempeuh pen avek un zato kipuakkhin uhhi. Search and Rescue nasepna pen zingsanglam 11am hunpawl in ki zosiang hi. Adang Passenger mi 100 bangzong liamna themkhattek nei uh ahih manin, ageinai aom Gymnasium khatah Shelter kibawlsak hi ci’n Milan City aom Interior Ministry te’n genkhia hi.

Milan Police makaipi te’n hih meileng tuahsiatna pen banghang taktakhiam cih thukan kipanpah uh a, Railway Police te’nzong tua meileng ahawl Train Driver pa thudotna neipah uhhi.

Hih meileng atuahsiatna munpen Milan City leh Cremona City kizopna in akibawl meileng lampi tungah atuahsia ahihi. Hih meileng tuahsiatna hangin adang meileng pawlkhat ziakaisak in, tuaban ah adang pawlkhatte hihmun ki nawksak nawnlo in, mundang panin ki taisak hi.

RFI te genna ah meileng lampi tungah van akiasuk, akicimsuk pawlkhat omleh kilawm ci uh a, ahi zongin tuahangin meileng atuahsia hiam, lampi apial khiasak hiam cihpen ki gencianthei nailo hi.

Video: At least three dead after train derails near Milan

RFI regional director Vincenzo Macello in agenna ah hih meileng lampi tungah Maintenance Work pen ahunhun in aki bawlzelzel hi a, hoihtak inzong aki encikden cihi.

Union secretary Adriano Coscia inzong SKY TG24 television te tungah agenna ah ka meileng Rail System uhpen Europe gamsung ah ahoihpen, amuanhuai penpen hi a, ahi zongin Maintenance akibawl ciangin Railway Staff taktakte kizanglo in, apualam panin Subcontractors te kizang ahih manin lunghimawhhuai hi ci’n genkhia hi.

More: Italy gamsung ah mawtaw paina lei khat kicimin mi 2 si, 2 liam

Milan Mayor Beppe Sala inzong Italy gamsung ah akinei mawtaw lampi, lei, meileng lampi cihbang Infrastructure tuamtuam te puahphat nading, Transfport Safety aom nadingin Investment kisapbeh hi ci’n genkhia hi. Sawltak #zomidaily