Mihing namnih ~ Lengtong Pauno

Mihing namnih ~ Lengtong Pauno

Misia aom mah bangin, mihoih zong om hi. Meelsia meelhoih, lungsimsia lungsim hoih, gamtatsia gamtathoih om hi. Mipawlkhatte leuleu pen, lungsimsialo napi’n, lungsimhoih tuanlo hi. Gamtatsialo napi’n, gamtathoih tuanlo hi. Siatsawmlo uh a, hoihsawmlo lel uh hi. Votlo salo uh hi.

Tuadan mihing tepawlpen, lawmin nei leeng phatuamlo a, galin nei leengzong lauhuailo hi. Aki kholpihtaak’lo mihing ahi hi.

Amaan’lothu le mun te ah, alangpang ngammi, akul lezong akitom ngammite bekmahin, thudik thumaan’ gumngam dingngamin, sih akul lezong singamding uh hi. Hicibang mihingte kholhpih lawm, pawl le gual dingin neihtaak’cing hi. Galdinga akihtaakhuaite bekmah lawmdinga aneihtaak ahi hi. Katheih, kamuh, katuah khakthu honggenkhia khakhialkhongkai… Ka lungdam, Munkhai’pa

Siktukilh in sunh

Malaysia, Putra Jaya ah Construction general worker kasep lai in, ka lawmpa khat uh’n, ”Ka khenuai siktukilhin hong sunh” ci hi.

Ke’n, a siktukilh hong pai a, akhenuai teekteek asunh kasak leh, amah vapai a a siktukilh maitang ava siikgiap ngam ek nahizaw hi. Hahahaha!… Ka lungdam, Munkhai’pa

Kamuh katuah khakthu tawm

Gamkhan’toh nasepna KLIA akizawh khitciangin, kumpi khuapithak dingin Putra Jaya lamh kipan uh hi. 2001 kumteh keizong general worker khatin na vasemkha ing. Kajang Township sung khuaneu, Kampung Stengah acihna nai gampalak ah ka giak uh hi. Zomi 150 – 200 kiim ka pha uh hi.

Ka kiimnai vuah Thantlanggam, Farawn khuami 20 khawng om uha, tangval 7 ding khawng gilo mahmah uh hi.

Tua migilo 7 te’n mualtunga zune a aom, Zomi 20 valding khawng khatvei navua mang uha, Zomite pen fb sung khawngah, ihai’ ciakciak pong mahbanga, apualam ah zong hailau phamahmahzel hihangh. Tuani pen, Lungdambawl nizan hisawnsawnh hi.

Athu akanlohman uh hi a, athu ka nung kan’ leh, tuami 7 te pen, amau K. minamtengin zong ahuat mahmah uh nahi a, vuaksak leeng alungdam mahmah ding uh nahimawk hi. Tua hi in, thu kantelni, hai’lau keini in zong hai ciakciak nawnkei ni. Ka lungdam, Munkhai’pa.

Dawn zawding maw? Muak zawding?

Mawhnateng puakhia dinga ahongsuak Zeisu pen, Dawn zawding maw? Muak zawding?

Eite’ mawhna sihna vangikpi hong dawn dinga hongsuak Zeisu pen, dawnnuam mahmah tale hang zong, ei’ dawn theihding, ei’ dawn zawhding hilo hi. Mawhna in mawhna dawn theilo hi. Amuaktheite bek ihi hi. Ka lungdam, Munkhai’pa