Mihing leh mawtaw

Mihing leh mawtaw

Mipil te in mihing pen mawtaw tawh genteh uh hi. Tua mawtaw a paisak, a gamtangsak taktak pen sunglamtha (engine) ahihi. Hih gentehna i et ciangin mawtaw bangzah tak in etlawm in a hoih zongin engine om keileh paitheilo cihna ahihi.

Bangzah takin vangik a pua zongin a engine hoih peuhleh a utna tungthei hi cihthu honglak hi. Mawtaw pen ih pumpi tawh na genteh uh hi. Khuakpilna pen mawtaw hawlpa tawh genteh uh hi. Mawtaw (pumpi) pen engine leh a hawlpa deihna bangbang bek nasem in sila bangin a om khinkhian ahihi.

Mawtaw engine bangzah takin a hatzongin mawtaw hawlpa khutnuai ah om veve hi. Mawtaw hawlpa hawlna lo mundangah pai theihna ding thu nei ngiatlo hi. Tuahiaa mawtaw a’dingin a engine leh a hawlpa a kipumkhat ahihi.

Ih mel ih tha hoihlo in, ih tha a hatkei phialzongin a hihkeileh ih mel bangzahtak in hoih in ih tha a hatmahmah zongin gualzawhna leh matutna dingin tua te thupi masa lo hi. Hong kalsuan sak taktak pen engine hi aa tua engine a hawlding a uk dingin mawtaw hawlpa (khuak pilna) kisam hi.

Mawtaw in vanngik a puak mahbangin ih nisim sumzonna ah, i nasepna tuamtuamte ah, pilna i zon na ah vangik ki pua kha thei hi. Ahizongin tua vangik hangin lungkiat ding hilo hi. Source: baihlamtak aa nalianpi sepna/ Siamsin Library