Mihing le Lungsim

Mihing le Lungsim

Pasal khatin nungak khat kiangah ‘melhoih ithuai taktak ciai’ a cihciangin bang a cihnopna hi ding hiam? Melhoih cihpen cilesa tawh kisai aa ahizongin a melhoihna a kibanpih nungak a ithuai lua lo om thei hi. It huaina taktak pen sunglam pan in hong kipan khia hizaw hi. Lungsim sungpan lungsim picinna, telsiamtheihna, lungduaina, ki maigapna, leh hehpihtheihna te hong luangkhia hi.

Mi a maigap huai mahmah khat pen akimuthei, a pualam pianzia te hangin a maigap huai hilo hi. A melpian zia hoihmahmah napi a ngaihbanglo nungak na mu ngeiding hi. A meltaktak a hoihluat loh hangin a it huai mahmah nungak na mungei leuleu ding hi.

Hih nungak nihte kilamdanna bang hiam? Sunglam lungsim puakzia ahihi. A masa nungak nu in ngahding bekbek lamen aa a nihna nungak in itna, deihsakna, lungnemna te piakhia zaw hi.

Mi a kibang mahmah nihlak ah khat in sumkhol thei mahmah hi. A sum ngah zah a kibanpih a lawmpa in ahihleh kholding cih genloh pekkhat zongh kisit loin zangsiat den hi. Hih minihte’ kilamdanna bang hiding hiam? Lungsim sungthu mah a hihi. A masa mipa in nasephoih neihtheih nading ci in sumkhol kisin hi. A khatpa in a hihleh zatdingbek mah hi ci in a neihzahzah a beidong in zangkhia hi. Hibang kilamdanna te pen sunglam lungsim thu a hihi. Mi sia a hiaa mipha a hizongin a lungsim sawl dandan in a piang a hihi.

‘Kei’ cih kammal i zat ciangin a kimuthei ih pumpi a gen i hikei hi. Sunglam mi a ki gen hizaw hi. ‘Ka lungdam hi’ i cihciangin pualam peuhmahah lungdamna a om hi. Sunglam lungdamna pen pumpi nate tungah hong kilangh khia hi bek hi.

Muk leh maitang tungah sunglam lungdamna in na hongsem hi. Sunglam lungdamlo in pualam lungdam theingiatlo hi. ‘Mihoih khat na hihi’ kong cih ciangin kong muhtheih na pumpi hong gen ka hikei hi. Na vun, na guh, leh thatang te hoih thei mah hi. Ahizongin mihoih hong kicihna pen na sunglam mi hizaw hi.

Hih thulu tawh i kikup dingpen lungsimthu a hihi. Na ci vom, na vun a kang ahizongin na tun tom, sau, taleh na ngawng aa na thau zongin mite ii hong deihleh hong deihloh pen na lungsim danbek mah hilel hi. Ih mel ih sa hangin lungkimlohna ding om peuhmah lo hi. Na sunglamah hoihna leh pilna nang hong makaihding a kicing in om khin hi.

Mawtaw tungah mitampi a tuang zongin mawtaw hawl mikhat bek mah hilel hi. Meileng bangzah takin sauin vantampi a puazongin mi khat in uk hi. Vandawnah a leng vanleng sungah mitampi a tuang zongin vanleng hawl taktak pen khat bek mah hilel hi. Mawtawte, tembaw te, vanlengte khempeuhzongh mihing lungsim sungmah pan in a kibawl a hihi. Mihingte gamtatna leh hihna khempeuh zongh a hawlkhat ih sunglam ah om gige hi.

Bangtan a sangaa lengding cihpen a hawlpa khutsungah om hi. Na sungaa om vangliatna na zatkhiatna dingin na pualam ngaihsutna (manager) tawh na nasepding kisam ta hi. Na sunglampilna in cidamna, hauhna leh lungdamna te sungah hong tunpih ding hi.

Lungsim tawh a kibawl pumpi

A taktak in sunglamtha hangbek in pumtungvante akizangthei hi bek hi. Na khe ii painopna ah a pai na hi kei aa na khe in napai nopna munah hong paipih a hihi. Na khutin na deihna hong laksak hi. Na kamte annek na set in na zangaa na mit leh na bil te mitawh kiho kizopna dingin na zang hi. Na lungsim in a sawlbangbangin kituak tak in napumtung nate a gamta a hihi.

Zongsatna

Nisim ih gamtatna khempeuh ii 95% pen zongsatna hi khin hi. Zingsang na thawhtoh ciangin na mai na phiat hi. Zingsang breakfast na nekding ciangin na sikkeu tawidan ding leh na pakan let dan dingte ngaihsun selo in nasem theilel hi. Tua te khempeuh na zongsatna a hihi. Cycle na hawl ciangin na khut let dan, a horn tumding, a brakes sik ding cihte khempeuh a kisap hunhun in na sunglam pilna in hong makaih aa olna sa mahmah hi.

Na khat peuhpeuh i sin tungin haksa sa in ki ziakai hi. Banghanghiamcihleh ngaihsun in tua khitciangin ki gamtang theipan hi. Na sunglam ah tua na sin thute hong kidim ciangin olsa in na manlang zawtham hi. A dangkhatin genleng na ngeina seh ciangin ol a sa mahmah na hihi.

Zongsatna cihpen olno tak in kingah samlo hi. Haksatak in kisem masa hi. Nisim in ol kisa semsem aa a tawpna ah zongsatna suksiatding haksa mahmah leuleu hi. Ahizongin zongsatna pen ki beikik sak thei veve hi. Zongsatna i ngah nadingin i hanciam zah mahin hanciam leng bei kik thei sam hi.

Lawh cinglo in, lungdam theilo in, a thumthum mi na hihleh tuapen nangma bawl a hihi. Tuabang dingin na sunglam pan in zongsatna a ngahkhin na hihi. A gual lel pa bangin na lungsim sungah na kingaihsut den zongsatna in mi guallel hong suaksak hi. A lungkim lo mi in hong piangsak hi. Na ki hehpihhuai sak theih nadingin na pumpi tung na tuamtuam te tungah zawngkhalna hong piangsak lai hi.

Lungsim ngaihsutna kisittel na

A hoih lam aa a kimutheilo mite in a mah le a mah hoih kisa thei mahmah lo hi. A sepna ah te lungkim zolo in thu kinial thei zel hi. Nanglenang na kisittel masa in. A nuai ah laimal 25 om hi. Tua laimal 25 sungpan hoihna sak om ding aa sia na sak zongh om ding hi. Damtak in, ngaihsun kawmsa in nasim suk in.

1. Itna 11. Sex 2. Crag 12. Lengla 3. Sum 13. Cidamna 4. Mawtaw 14. Ganhing 5. An 15. Pa 6. Khuamial 16. Niklepuan 7. Laibu 17. Music 8. Tawlngakhna 18. Naupangte 9. Thukhun 19. Lai at 10. Tui 20. Kisinna 21. Laikhak 22. Huan 23. Nasem/sawltak 24. Nasep neipa 25. Inn

Hih thute a hoih lam in enthei leng a sia omlo hi. A hoihlo lamin en leng a kip a kho khatzongh om tuanlo hi. Na khempeuh ih lungsim sungaa i muhna dandan in hong piangkhia hilel hi. Na ngaihsut dandan pen nang a koi ci mi: a hoihlam a ngaihsun mi maw, a hoihlo lam a ngaihsun mi cih hong laktel hipah hi. Mi 95% in a hoihlo lam in ngaihsutna neizaw hi cih mipilte ciaptehna om hi. Tua hangmah in leitungah mihingte 5% taangdingbek in gualzawhna ngah cih kimu thei hi. A hoihlo lam in a ngaihsun mi na hizongin lungdam veve in.

A kicinglo muhkhiatna in zawhna tawh hong kinai sak zaw veve hi. I gensa mahbangin a hoihlo dinglam vive in a ngaihsun mi na hihleh leitungah na lungdam dingzah a lungdam theilo ding na hihi. Na gualzawh hunciangin lungdamna taktak na ngah zokei ding hi.

A kilawm zah in na lungkim zo tuanlo ding hi. Tuni pan kipan nanga’ding a lungdam huai mahmah thute hong piangding hita hi. Deih kicinlohna, lunghiangden aa omna leh maigumna pan in na suakta ding hi. Vanlam ensa in lungdam kipak tak in nakhut lamto in ‘Ka suakta zo hi’ ci ta in. A hoihlam ngaihsutna Kammal pawlkhat laidal tungah at in. Tua kammalte a mah thu in a hoihlo lam in hong piangthei om hiam cih en in. Tua a hihkeileh tua kammal te in gualzawhna i ngahna dingin hong panpih theihna teng ngaihsun in. Na ngaihsutna vangliatna tel semsem lecin na lungsim sungah na lutsak ding thu te hoihtak in na khentel thei ding hi.

Laimal A pan in Z dong laidal tungah gualsuk in. Laimal ‘A’ pan in a piangthei kammal hoihnasak khempeuh at in. Tua ciangin ‘B’ pan in a kipan hoihnasak kammal khempeuh at leuleu in. Tuabangin ‘Z’ dong at in. Laidal tung ah hoihnasak kammalte na at khitciangin na paina peuhah pua inla simkhia zel in. Tuabang gamtatna in na lungsim puakzia a hoihdingin nakpi tak in hong puahpha thei hi. A hoihlam bekbek a ngaihsun mi na hihna ki phawkden in.

Ka hithei hi

Ka at ngeisa laibu sungah gualzawhna ding thukhun ka at lawhcinna a zong numei pasal mi tampi tak in noptuampih khin uh hi. Tua thukhun pen ol mahmah a hizongin khauhpai mahmah hi. Tuapen na sungtawng a kidim dongin ‘a lawhcing mahmah mi ka hihi’ ci in pulak in. Nitak nalup ding ciangin pulak in. Zing na thawh ciangin zong pulak inla sun hun awng na ngahsim in tua kammal mah pulak den in.

Na sungah ‘a lawhcing a gualzo mi na hihna’ kidim sak in. Hihthusim pen na gualzawh khit taktak ciangin na um theipan kha ding hi. A hizongin tu in na sungah tuabang thu na koih phot limlim in. Na lungsim sungah um in. A sawtlo hunsungin a lawhcingmi na hihna hangin na lung hong dam mahmah lel ding hi.

Tu in ‘lawhcinna leh gualzawhna ding thusim thei khin na hihmanin semkhia ta in. Theih ciangbek tawh koih kei in. Zing na thawhpan nitak nalup dong a gualzo mi na hihna pulak in.

Nasep lianpi khat semding kipan nuam mahmah in a kicing ding sum a neinailo zongh na hi khathei ding hi. Lunghimawh kei in. Na sunglam pilna in na khempeuh thei aa a kisam bangin hong makaih ding hi.

Na sunglam ah zawhna thu na kidimsak loh phamawh masa a hihna mangngilh kei in. Zing na thawhpan nitak na lup ma dong a zo ding mi na hihna pulak in. Pu laklak in. Tam veipi pulak in. Bank ah sum na nei kei ding aa na ip sungah zongh sum omlo khathei mah ding hi. Ahizongin sumlom pi na ngah thei ding hi. Hih chapter sungah thusim na mu zo hi. Mitampi in a zat khitsa hiaa a kizanglaitak leh thuman thutak a hihna mailam ahzong i ki hilh toto ding thu ahihi.

Hih thu in bangmah neilo bangmah theilo mite makai lianpi dongin koih to hi. Nang a’dingin na hong sepsak thei aa na kiphal leh na kiphal loh bek in thu hong khen ding hi. Na sepsak leh na hongsem ding hipah lel hi.

A zom na sim ma in tawmvei kholphot dih in. Hih chapter sungaa thu te in hong lungmang sak hiam? Hong thangahsak hiam? Lawpna leh lametna na sungah hongpiak zawh kei leh na sim dingkhat nasim loh omlai a hihi. Khat vei a patna pan in sim pha kik in. Ih Mutna leh Hauhna