Malaysia, Mid Valley Shopping Mall sungah meikang omleuleu

Malaysia, Mid Valley Shopping Mall sungah meikang omleuleu

Malaysia, Kuala Lumpur khuasung aom Shoppping Mall minthang khat tuni Saturday nitaklam in meikang cih Social Media tuamtuam pan kiza hi. NST te genkhiatna ah Saturday nitaklam 7pm hunpawl in Mid Valley Megamall meikang kipan hi ci’n genkhia hi.

Meikatna pen Mid Valley Megamall sung aom Ground Floor ah vanzuakna Convenience Store khatpan meikang akipan kici hi.

Shopping Mall sungah meikang om cih akitheih ciangin asung aom vanlei vanzuak khempeuh amanlang in aki hepkhiat nadingin thunei te’n thupiapah uhhi.

Vanzuak Shoplots te’nzong ki hepkhiatding Announcement azak uhciangin amanlang in amau vanzuakna saiciatciat khaksaisai uh a, pusuakkhia uhhi.

City Fire and Rescue Department panin Spokesman khatin agenkhiatna ah meikuang pen nitak 7:33pm hunpawl ki phelhsiang zopah hi ci’n pulakkhia hi.

8:05pm hunpawl in Shopping Mall sungah Annoucement kibawlkik a, bangmah patauh nading omnawnlo hi, meikuangteng ki phelhsiangzo khinta hi ci’n zasakna kineikik leuleu hi.

Hih meikuang akipatna pen bangmah kitheician nailo ahih manin, thunei te’n akansan laitak cih kiza hi.

Related: Kuala Lumpur khuasung aom Mid Valley Megamall ah meikang

Shopping Mall ii apualam ah Ambulance khat akhawl kimu a, pasal khat Mask thuahsa in aom ki galmuh cihi. Ahi zongin hih meikatna aliam kuamah omlo cihciang kizaphot hi.

Abeisa May khasung inzong hih Mid Valley Megamall sungmah ah meikang omngei hi. Tuahunlai in Shoplot khatsung aom Fax Machine panin meikuang akipan kici hi. Sawltak #zomidaily