Microsoft Windows ah Delete Confirmation nadeih keileh

Microsoft Windows ah Delete Confirmation nadeih keileh

Microsoft Windows OS ah File khatpeuhpeuh ih Delete ciangin “Hih File pen Recycle Bin ah tuahnuam takpi nahiam? cih dotkikna hihbang in “Are you sure you want to move this file to the Recycle Bin?” hong neithei hi.

Hihpen ahoihmahmah Feature khat cihtheih ahihi. Banghanghiam cihleh khatveivei File khatpeuh atungah aki Select laitak in Delete ki mekkha mawkmawk thei a, Confirmation hong donglo hileh Recycle Bin sungah upmawhlohpi in ana tungtheiding ahihi.

Adiakdiak in naupang ommawh piankhawng tawh kithuah innkuan te adingin hih Feature pen zatloh aphamawh ahihi. Desktop tungah File ihkoih khatpeuh Cursor tawh Select sa in aomlaitak naupangte’n Delete Key khawng namekkha citciat leh ninbung sungah paihsa nasuakziau theihi.

Lamkhat leuleu ah na Computer sung aom nadeihnawnloh File honpite na siansuah nopciang in File khat na Delete sim in Delete Confirmation hong dotdetpen ziakaituam theihi. Tuahun ciangin Delete Confirmation hong dotloh nading in Setting kibawl theihi.

Delete Confirmation hongdot kikkikding nadeih keileh Recycle Bin tungah Right-click namek inla, tuakhit ciangin Properties ah napai in.

Trash Properties hongsuah ciangin “Display delete confirmation dialog” cih anuai ah namuding hi. Tua Box tungah Uncheck lecin, Delete nabawl ciangin Confirmation hong dongkikkik nawnloding hi.

Ahi zongin Delete Confirmation aomdingmah hoihzaw nasakleh Trash Properties panin Box sungpan Check napiakik in.

Hih Setting pen atheisa tampi ki omding hi. Ahi zongin Windows 8 ah ka Upgrade khiatciangin Delete Confirmation pen Uncheck ahih keileh Disable sa in na ommawk ahih manin, hih Feature Setting bawlzia ka phawkthak a, kong hopsawn kikpak ahihi. #zomidaily ZD Sawltak 2013-01-02