US-based Technology lianpikhat ahi Microsoft Company te’n Kawlgamsung ah “Country Manager” khat koihta ci’n Tuesday ni in taangko khia uhhi.
Kawlgam khuahun kikhelna tawh kizui in Microsoft Company tezong hong lunglut mahmahta uh a, Kawlgam sungah nasep azaizaw in septheih nading in Country Manager akoihta uh ahihi. Tua Country Manager asem masa penpendingpa ii aminpen Sy Wann ahihi.
Sy Wann in Microsoft Company tetawh asepkhop madiak in Kawlgamsung aom Cisco Systems te kiangah kum 3 sungbang semngei khin hi. Tuaban ah nidang in US gamsung ah IT Role tawh tawlkhatsung nasem ngei hi. US gamsung ah asepna Company tepen Travelocity leh Capital One cihte hi a, Data Management lamsang ah asem ngiat khat ahihi.
Tu in ahihleh hihpa Sy Wann in Microsoft Company tetawh Kawlgam sungah nasep hongkipan tading a, Microsoft Company ii Product, Service leh Support tuamtuamte ah makaipi panmun honglading hita hi.
“Kawlgam sung manlangtak in akikhel laitak in Kawlgamsung aom Microsoft Company tawh nasemkhawmding kahih manin kakipak mahmah hi. Kawlgamsung aom Customer te leh Partners tetawh khutkilen in semkhawm in gualzawhna ngahding lametna lianpi tawh Microsoft Company ka makaihding hi” ci’n Sy Wann in genkhia hi.
Related: CCleaner ~ Na Computer siansuah in ~ ZD
Microsoft Company pen Kawlgam sungah 2013 kumsung in nasep akipan uh ahihi. ZD Sawltak #zomidaily
Comment piaknop aomleh...