Microsoft Excel ah Formula tawh laimal atawm pan atam gualhdanding

Microsoft Excel ah Formula tawh laimal atawm pan atam gualhdanding

Tuni Microsoft Excel tawh kabuai mahmah khitteh ka muhkhiatkhat kong hawmsawn nuam hi. Nakhempeuh ihtheihkhit ciangin “leltak” akici nuamtek hi a, ihtheih nailoh laitakbel khua ulnel kailiang in kisa bembam theihi. Hih kong hopsawn dingzong athei nailote ading deihsakna tawh kong hopsawn hi a, atheisa te’n “hibangpeuh” nongcihsak lohding uhzong kongthumnuam masa hi.

Microsoft Excel ah Formula tampitak zattheihding omdimdiam a, tuate ei nasepna tawh akituak in zangtheileng ih nasep tampitak ongdawn theihi. Number tepen aneu pan agol cihbang in olnotak in ki gual (Sort) thei a, ahi zongin tuni kabuaipih mahmahpen Number ahilo, laimal te atom pan asau in gualnuam kahih manin tuatawh abuai mahmah kahihi.

Mailing Address bekbek 60,000 val khawngkhat Christmas Greetings lai kakhaksawm uh a, ahi zongin lai-ip Envelope tungah Label ka Print dinguh ciangin Address khempeuh laimal atawm pan atam in gualhding akisapna khat omcitciat hi. Gentehna in ka laigualhnop uh Data 60,000 tengpen hih anuai adanin laimal atawm atam cihbang in aki helhgawp ahihi.

• zomi
• zomidaily
• zom
• zomida
• zomid
• zo
• zomidail
• z
• zomidai

Hih atung abangdan in aki helhgawp Data tengpen hih anuai abang danin laimal atawm pan laimal atam ah agualnuam kahihi.

• z
• zo
• zom
• zomi
• zomid
• zomida
• zomidai
• zomidail
• zomidaily

Tuaban danin gualhtheih nading kazonzon ciangin Step nih zangleng olnotak in aki gualhtheih nadingkhat naom khinkhian hi. Amasa in Microsoft Excel ah “Length of String” a kici Formula LEN() khat om hi. LEN cihpen Lenght aki tomlakna hi a, Excel Column khatsung aom laimal ii asauna ong simsak theihi. Tua Formula zangin na gualhnop Column ii agei ah Column thakkhat hongbeh inla, Formala hihdan =LEN(A1) tawh Sort suklecin laimal asauna malphazah onglak dinghi. Gentehna:

Tuabang in laimal aphazah Number tawh na ngahkhit ciangin tua Number tengpen atawm pan atam ah Sort sukziau lecin amai a laimal tezong atawm pan atam ah gualhsa ong hipah dinghi. Hih Formula =LEN() kiukiau in ka Data 60,000 val amal tawmpen amal tampenpen ah kagualhding pen minute khatsung in ongzosak ziau hi. Telloh, dotciannop aomleh hih anuai a Comment Box sungah ahi zongin, [email protected] ah email tawh ahi zongin kidongcian theihi. Zomi Daily