US Miami khuasungah akilamthak lei khat kicim, mi 10 bang siding kici

US Miami khuasungah akilamthak lei khat kicim, mi 10 bang siding kici

USA, Miami khuasung aom khetawh lamzikpi kantanna “Footbridge” khat kicimsuk ahih manin, mi 10 bang siding cih AFP pan kiza hi. Hih Pedestrian Bridge kici lei pen College Campus sungkhat ah akidawhthak hi a, Thursday ni in akicim ahihi.

Local Officials te genkhiatna ah motors zong 8 bang anuai ah dengsukkha awkcip a, mihing zong tampi dengsukkha hi ci’n genkhia uhhi.

Tua akicim lei pen Florida International University leh sangnaupang te omna Student Housing Area te akizopna Walkway khat hi a, akilamzawh amansiangzawh kalkhatbek hipan hi.

Florida Senator Bill Nelson in Fox News te tungah agenkhiatna ah hih Pedestrian Bridge akicipna hangin asipen mi 6 pan 10 kikal hiding kici a, ahi zongin Miami-Dade County panin thunei te’n akician taktakin pulakna omnailo hi ci’n genkhia uhhi.

County’s Deputy Mayor asem laitak ahi Maurice Kemp inzong hih tuahsiatna hangin Emergency Personnel te’n abuaipih mahmah laitak hi ci’n genkhia hi.

Video: Emergency crews respond to collapsed pedestrian bridge at Florida International University in Miami, FL. Several people were killed, officials say.

Television sungahzong hih tuahsiatna aphual teng ki suaksak in, anuai ah motor tampi awkcip ngeingai hi. Pedestrian Bridge nuai ah a awkcip te hepkhiat nadingin Crane khawngzong kizangin kibuai khengkhang hi.

Senator Marco Rubio zong hih tuahsiatna apian laitak in Florida International University sungah laihilh in aomkhak laitak ci a, acikziat huai tuahsiatna lianpi hi ci’n genkhia hi.

Hih Pedestrian Bridge akicipsukna lamzikpi pen Miami City sungah akilimzat mahmah lampikhatzong ahihi.

More: Malaysia, Klang lei nuaiah numeikhat aguaktang in asisa in kimu

Miami-Dade Fire Rescue Division Chief Paul Estopinan in agenna ah hih khetawh lamzikpi kantanna lei pen Concrete Bridge hi a, agihna 950 ton bang ahihi. Nung Saturday ni in Install akipan pan hi a, geelnabang hileh 2019 kumin akihongding “Opening” akibawlding ahihi ci’n genkhia hi. Sawltak #zomidaily