Mi kician Zomi MP dingte

Mi kician Zomi MP dingte

2015-2020 Lotdaw na sepzia leh khantohzia ih ettak ciangin MP gina a neite leh gelna leh sepding kician a nei sinsen te ahi na kimu ta hi. NLD Makaite in zong Party sangin a mimal etzawk ding gelna nei uh hi.

Zogam MP dingte

1. Pilna Siamna leh Veina tawh thuman takin na semnuam mite hi ding. Thong kiangei cih lawmlawm dan hi nawnlo ding.

2. MP sem ding or semte in thudot pi (Advisor) nei hamtang ding. Mipi aw angai mite MP dingin tel ding. No Media khawngah hai otot,Tuipi galpan aphual ate saisai, no gengen te kizang thei kei aci dingte MP in telvet loh ding.

3.Sepding thei ngimna nei mite MP in tel ding hi. Huntom sung sepding leh saupi a sepding gelna nei sinsen ding. Huntom ading Federal leh Thukhunpi , hunsawtpi ading Federal leh Thukhunpi cih hi denkei lo ding hi.

4.Tungsiah nuaisiah tawh aki zom siammi tel ding. Hong huhthei mite maivil thei ding. Tugemgam lo ding. Ngenngam ding leh ngetzia siam ding. Mipi nautangte tawh ki zopna kitat neilo ding. Vote piathei te or piate phawk ding. Mai etet ding MP telvet lo ding. Mipi in leh thumthum nawnlo ding.

5. Neksim ciang athei MP te tello ding. Tender or Company te ki demdem sak lel MP te deih huailo. MP te leh Company te hong ki uitui luat leh neksim na tamthei aa mipi ki sumh hi. Tender nong ngahsak leh Campaign hong paipih ning cih tawh pawl khat ki uitui thei uh hi.

6. Ih tunna ih dinmun a thei te MP dingin tel ding. Mipi te lamlai ah mangthang sak lo ding. Pilna lam koi ciang ah ki tungta. Cidamna lam? Lampi, tui, meite etc te ih neihzah leh ih dinmun tel ding. Ngimna ih neih leh sepzia ding zong thei ding.

7. Zomi kipawlna makaite in hoih ihsak kei leh hoihloh nate zong Party makaite tungah kuppih tangtang ding ki sam. TuaPa Tuanu kuanglui sakni cih danin kuppih huai mahmah hi.

Thukhupna ah 2015 kitel lai a ih ngaihsut zia pawlkhat ih laih kei leh mi hamphatna te a gengen Zomi te ki hilel ding hi. By: Taang Phualva/ Phualva Lungtuak Media