Mi khat bekbek

Mi khat bekbek

Tui hual (tuihual lianpi lah ahi samlo) pai a hihmanin ngasa te gunpiau zangah ki lawn zihziah hi. A siding in a om zihziah a hihi. Tua pen papi khat in hehpihhuai sa a hihmanin a hihtheih zah in tuisung ah lawnsuksuk hi.

Tua papi pa’ nasep mikhat in hong muh ciang in:

‘lawm aw, banghang in tawl zong lel na hi hiam? Hih ngasa te omsak lel in, a vek in lah hon zo tuan kei ni teh. hi mun tengbek hi lo in gundung khempeuh tai 70 bangah ngasa a si hi. Koih lel mai in’ ci hi.

Ngasa a hon nuampa zong hong ki hei phei in ‘lawm aw, honghuh ding na hih kei leh na pai lel in. Ngasa khat tuisung ah ka lawtsuk ciangin tua ngasa in nuntakna a ngah hipah hi. Hih zah aa a siding ngasa a tam natheih leh banghang in khatbek hon khia lo ding na hi hiam?’ ci in a nasep sem hiathiat hi.

(Chicken soup for the soul- Jack Canfield and Mark Victor Hansen)

@ Leitung ah ei leh ei hehpih huai kisa in, zawng ki sa in, bangmah hi lo i kisak lai tak in ei sangin (lam khatpeuh pan) a hehpih huaizaw mi om thei hi.

@ Mi khempeuh huh na leh panpih na kipia zolo mah ding aa a hizongin mikhat kiangah ki pia thei hi. Thu huhna na piak pen- mikhat thapia, lungdamsak, lawpsak bek hi lo in, mi khat ii nuntakna zong hu zo / khelzo thei hi.

@ Sum leh paai tawh huhna i piak zawh kei leh zong i kamtawh ki hanthawn thei, tha ki pia thei aa tua pen a manpha penpen a hihi.

@ Tu ni mi khatbekbek huh ding ki thawi in. Siamsin Library