Mi 3 om (Zomi State athukimlo)

Mi 3 om (Zomi State athukimlo)

Kawlgam sung pan Zomi State lamkhiat ding vai athukim lo mi 3 om hi.

Tua 3 teng zong tulaitak kawlgam sung a om khat zong omlo hi. Tua 3 lak ah 1 pen kawlgam mi zong hilo in kawllai malkhat zong a theilo khat hi. Tua ahih man in kawlgam nainganzi atheihna ding thu omlo ahih man in athukim loh pen ih sang thei hi.

Zomi adeih hetlo te zong Zomi min tawh nektheih dawn theih apian ciang in aduh masate asuah mah bang un tu a Zomi State athukimlo te zong Zomi State akingah ciang in alungdam masa pen te hong suak veve ding uh hi. Amau’ khang in amukha kei phial zong un atu atate un Zomi State i gahte nuamtak leh lungdam tak in ana nekna ding un thu ih ngen hi.

Theih ding ah

Revolutionary (ေတာ္လွန္ေရး/ Tawlanzi) nasep peuhmah leitung ah mipi’ thukimna kila masa dihdih ngeilo hi. Kisam asa, a uk avei te’n pankhia uh a, athukim pih mipi te’n panpih theih bang in panpih uh a, lawhcinna a om teh alang panpan teng bang in ne masa duh masa kha thei zawsop lai hi.

Nainganzi ih cih pen LST dan a peello piang hamtang ding cih theih omlo a, piang ngeilo ding cih theih zong om tuanlo hi. Piang thei pianglo thei hilel hi.

Tua mah bang in Zomi State zong peello kingah ding cih theih omlo a, kingah ngeilo ding cihtheih om tuanlo hi. Nainganzi ah apiang theilo bang mah omlo hi.

Mihing’ lampan ih hanciam ding ih tavuan hi. Kawlgam ah state piakbeh loh phamawh tampi om ahih man in Zomi State zong ih hanciam nak leh ngahloh ding sang in ngah ding lam et omzaw hi.

2008 thukhun pen Zeisu’ hong kumkik dong akimang ding hi peuhmah lo hi. Kawlgam ah suahtakna ngah khit gam thukhun kum 14 val akip om nailo hi.

Zomi Movement na pahpih zawh kei leh zong langpan kei lecin nang leh nasuan nakhak ta ding in hoihzaw peelmawh ding hi. Genkhialh a om leh ngai dam

(Mung Laan Thang)
Tawmvei
USA