Melbourne Zomi FC te gual zawh na

Melbourne Zomi FC te gual zawh na

Australia gam Melbourne khuapi Western lam aa om Chin Community tuamtuam te leh Zotung Community of Australia (ZCA) te vai hawm na tawh a 7th vei na ZCA Cup pen October ni 3 ni 2015 ( Saturday) ni in ki bawl aa, Melbourne Zomi FC te zong ki hel thei hi. Tua Community a ki hel pen Zomi FC, Zotung, Zophei, Lautu, Matu, Senthang leh Mara te a hi uh hi. Soccer ( Football ) pen Group 2 in ki khen aa, Zomi FC te pen Group B ah Zotung leh Mara te tawh group khat hi in , a dang teng pen group A a hihi.

Zomi FC te Zotung tawh ki sui in 2:0 tawh zo aa, Mara tawh ki sui leuleu in 4:0 tawh zo leuleu a hi man in Final ong kah to a hihi(semi final om sak lo). Group A pan Lautu te Final ong kah in , nitaak lam nai 5:30PM in Final ki sui in ,minute 60 sung ah goal ki khum zo lo a hih man in Extra time a ki mawl ding pen Khua mui ta a hih man in Penalty ki sui suak aa, 4:2 tawh Zomi FC ten hong lel hi.

Prize piak na tawh ki zom to in Zomi FC pan Best Player Tg Lamh Thang Gualnam in ong ngah aa, Best Goal Keeper pen Pa Thangsiangin Naulak in ong ngah leuleu hi. Metre 100 naupang tai ki dem na ah zong Zomi FC pan Sangneu Gualnam in zong a khat na ong ngah a hih man in, Zomi te aiawh in Prize 4 bang ki ngah ong suak hi. Minam dang te lak ah hi bang in Gual zawh i ngah pen Pasian min ka phat hi.

Lamhkim Samte
Captain/ Admin
Zomi FC