Melbourne Khuado pawi 2019 Report (Part 4)

Melbourne Khuado pawi 2019 Report (Part 4)

Khuado Pawi nitak hunzatna sungah Adelaide pan Pa Pum Pau in ama phuah ngiat la 1) Zo Lianu 2) Kum 18 cih la tawh mipi hong awi in mipi lawpsak siam in tha kingah mahmah hi.

• Lia Sannu leh Tg Michael Kim Adelaide
• Lia Vavan leh Lia Huaipi Melbourne
• Lia Ngaihno leh Tg Paubawi Brisbane
• Pa Kap Mang Coffs Harbour

te in Pawi hun sungin siamtakin zaideih awi uh hi.

Pa Dalpi Yangon in Khuado Pawi nitak nihna hong sim theih ahih manin Pu Lengtong Pauno phuah Zomite lapi khat ahi ‘MEITEI GUUN’ siamtakin hong sa a, mipi aw kilim zak mahmah hi. Khangno lamte sangin Nu leh Pa U ham lamte lawpin diang ziahziah uh a, Ka nungak tangval lai La ci-in kiim leh kiang a te awlmawhlo in nuamsa mahmah uh hi.

Zinpi Pu Go Hau Lengtong original in a music leh guitar siamnate lahna hun nei-in zut hialhial bek hi, mipi lampan thapia nuam amai leh anungah kituh liang uh hi.

Zinpi Pa Thawn Kham lasak ding mipi in ngahlah thei mahmah a, ama lasak khempeuh mipi’n thangah tuam in aneu alian in sakpih ziahziah ahih manin nasia mahmah hi. Lasak ciangin mipi in a phone uh tangsakin sanglap dialdial uh ahih manin etlawm thei mahmah hi. Mi tamlua ahih manin naupang khan ah naupang pawlkhat ki-om sak in, tutna om teng kizang khin hi.

Tukum Khuado Pawi ah Khuado tangthu midang namdangte tel ding a gen hoih kisa ahih manin, Pa David Khai in mikang pau tawh siamtak in Khuado thu tomkim cingtak in hong gen hi.

Khuado Pawi nitak masa Special guest Pu Jackhon Tylor Bayswater MP hong kihel in Australia gam pen minam tuamtuamte daitak a ten khopna ahih thu leh mailam ah Khantoh na’ng semkhawm a mapang khawm dingin hon ngetna thute genin Khuado Pawi nuamtak zang dingin deihsakna thute hong gen hi.

• Zomi Innkuan Adelaide, President Pa Lian Cin Thang
• Zomi Innkuan Brisbane, Secretary Pa Suan Za Pau
• Zomi Youth Association Brisbane, President Tg Lianpu
• Zomi Innkuan Coffs Harbour, Member Pa Kap Mang
• Zomi Innkuan Tasmania, Makai Pa Kham Cin Dal

te in hih bang Pawi hunnuam zat toh zel ding leh mailam ah Zomi Innkuan Australia min tawh a nasia zaw leh tangzai zaw a nasepkhop to zel ding lunggulhnate uh pulakna hong nei uh hi.

Melbourne Khuado Pawi 2019 nasiatak leh lawhcing tak a kizat theihna hang pen mimal kim kipiak khaitna hang bek mah tawh a piciang ahih manin I pankhopnate uh thupi in angtan huai mahmah hi.

1. Zin hong do sak a, giahna lup na nek leh dawn, paisuk paitohna akisam bang a hong buaipih mimal kim.

2. Nek leh dawm bawlna inn hong zangsak Pa Siamte innkuan, leh tanuk hong sep sak Nu Huai, Pa Siam, Pa Thangpi leh Tg Lianneu

3. Media hong zangsak ZMC Pawlpi leh kipia khia asem Tg Khen Thang leh alawmte, Mimal camera leh video camera hong zangsak Pa Mung leh Pa Tung, Interview leh maan hoih tak ong zaihsak Aussiezomi media te

4. Khuado Pawi leh akisam bangbang computer design hong bawlsak Pa Muana Delhi leh Pa Muan Lian Melbourne te

5. Khuado Pawi Banner print alian leh aneu hong sponsor sak Tg JK Ginpi (Turiyar Store, Kaleymeo)

6. Pawi sung Bus akisam bang a hong zangsak Sia David Mungpi (FGA) leh Sia Dal (MBCC) Pawlpi leh mawto ong hawlsak te, Airport ah kidawn kikhakna parking fee leh petrol tampi bei a hong kipia khia mimal kim

7. Khuado Pawi lasa, thugente love-gift hong piak sak khempeuhte

8. Zum lam leh lai lam hong vaihawmpih MIC leh mimal kim

9. Hun sehnate thupi ngaihsut a hun ong zatsakte khempeuh

10. Pawi a ding sum leh vanzat hong zangsak hong kawm khempeuhte

11. A kithei khalo mimal tha leh sum abeilawh mimal kim tungah Lungdamna lianpi kong ko uh hi.

12. Makai vaihawmte kicinlah na tawh khasiatna, lungkimlohna tampi om ding cih ka um uh hi, Itna a nei Zomite I hih manin I kicinlohnate kimaisak a, thathakla khawm dingin kong zawn uh hi.

Nu leh Pate in Zolai sang naupangte lasin ding, lam sin ding ahun hun in ih paisak theihna hangin picingtak, etlawmtak in I Pawi a gualzo thei I hih manin I pankhopnate uh thupi in Lungkim mahmah hi hang. La leh Lam hong makaih Tg Khupneu, Lia Lian, Sang siamah te Nu Lun, Nu Niangsen leh Nu Zeelpi tung lungdamna lianpi kiciamteh hi. Ngeina zia leh tawn dan naupangte sisan ah atuhtuh I hi a, ateek dong un manghilh nonlo ding uh hi.

Hun tomno sung leh budget tawmno bek tawh Zolia & Zotang nasiatak a hong vaihawm ‘Zomi Beauty Pageant Committee’ te adiak in Tg Michael Tuang, Lia Vungsan leh Lia Liante tungah ‘SALUTE’.

Melbourne Zomi innkuanpihte mapang khawmin mailam ah kalthak suanto zel ding hi hang. “Together we can “ Melbourne Khuado Pawi 2019 Report pia, David Khupson (Secretary ZYA Melbourne)