Kuala Lumpur MRT meileng lampi bawlna ah tuahsiatna piang, mi 2 si

Kuala Lumpur MRT meileng lampi bawlna ah tuahsiatna piang, mi 2 si

Malaysia, Kuala Lumpur, Jalan Jinjang aom meileng lampi kibawlna Construction Site khatah tuahsiatna piangin nasemkhat si a, adang nasem mi 2 tezong liam uh cih NST pan kiza hi.

Zanni Saturday nitaklam in Jalan Jinjang aom MRT Construction Site ah tuahsiatna apiang ahihi. Meileng lampi bawlna ah sikzawn akidawhphei khat Crane tawh aki doptoh laitak in, aki cimsuk cihi.

Fire and Rescue Department te genkhiatna ah Saturday nitaklam 11:49pm hunpawl in hih buaina hongki zasak cihi. Tuaciangin Jinjang, Sri Hartamas, Hang Tuah Fire Station panin Firefighter honkhatin aphual ah delhpah uhhi.

Hihvai tawh kisai in Kuala Lumpur Fire and Rescue Department director Khirudin Drahman in agenna ah meileng lampi akizopna sikzawn Gantry akikhuntoh laitak in kipelhkha in akiasuk cihi.

Atungpan asanna Pi 40 (12 Meter) panin sikzawn akiasuk hi a, nasemkhat dengkha ahih manin, sipah cihi. Tuaban ah adang nasem mi 2 tezong anuai ah awkcip uh cihi.

Video: Worker killed as launching gantry collapses at MRT construction site 

Tua asipa pen amin Firdaus Md Taib kici a, kum 41 aphakhin khat ahihi. Anuai ah a awkcip 2 te lakahzong khatpa pen akhe liamgawhpian ahih manin, Selayang Hospital ah amanlang in kipuak suakpah hi.

Anuai ah a awkcip mi 2 te lakah khatpa pen zingsanglam 1:15am hunciang in ki honkhia theipan a, Rescue Operation pen zingsang 2am hunin mansiang theipan hi.

Hihvai tawh kisai in thunei ahi MMC Gamuda te’n Statement ah tuni in agenkhiatn ah hih meileng lampi pen MRT Sungai Buloh Serdang – Putrajaya Line Construction hi a, Jalan Jinjang nasepna ah tuahsiatna apiang hi ci’n genkhia uhhi.

More: Malaysia MRT Consturction puahkhapna pan aliam mi 3 te lakah khat sita

Aliam zato akipuak mi 2 te lakahzong khatpa pen zato atun ciangin si cisawnsawn hi. Hih tuahsiatna hangin khuasung mipi Public tebel asukkhak omlo a, nasem te’n athuaklawh uh ahihi. Nungkum inzong MRT Construction ah apuakkham omin, nasem te mahin sihlawh uhhi. Construction Site limlim tuahsiatna omnuam phadiak ahih manin, kidoptheih aomleh kidop huai, nawkkhak lohding thupi khading hi. Sawltak #zomidaily