Mawtaw tailai khat atungpan in Crane kiasuk in dengkha, mi 7 si
Southern China ah Minibus khat lampi tungah atai laitak in agei aom Construction Site khatpan Crane tuksuk in dengkha citciat ahih manin, mi 7 takin sihlawh cih SCMP pan kiza hi.
Crane akici vangik doptohna tepen Construction Site ah zatloh aphamawh hi a, tuahsiatna zong tampi piangthei zelzel hi. Hih tuahsiatna pen China, Guangdong Province sungah nung Tuesday nitaklam 6pm hunpawl in thupiang ahihi.
Xinhua News Agency te genkhiatna ah Guangdong Province, Puning City sung aom Construction Site panin tuahsiatna apiang ci uhhi.
Minibus pen lamzikpi tungah atai laitak atunglian panin Crane akiasuk hi a, mawtaw atungpan alaizang dengsukkha citciat hi. Asi aliam te lakah naupangzong pawlkhat kihel cih kiza hi.
Hih tuahsiat laitak pen agei ah atai mawtaw khat ii Dashcam panin Video Record kibawlkha in, mulkimhuai mahmah hi. Mawtaw pen phelnih kisuahsuklian hi.
Video: Crane topples over, kills seven
Ageinai ah adang mawtaw zong tampi aom hi a, ahi zongin hih Minibus pen dengkha citciat hi. Motorycle zong nih apaikhawm uh hi a, amailian ah Crane sikzawnpi ki khungsukvat in, ahi zongin dengkhalo bilbel hi. Tua Minibus sungah atuang pen akigamw in mi 10 atuang kici a, tualak ah mi 7 aphual ah sipah uhhi.
Related: Kuala Lumpur khuasung nasepna khatah Crane Boom kia in ahawlpa liam
Asilo mi 3 zong liamgawp ahih manin zato ah amanlang in Ambulance tawh kipuak cihi. Asi aliam lakah naupang zong pawlkhat kihel cih kiza hi. Construction Site limlim tuahsiatna Accident tampi piangtheiden ahih manin, kidop huai mahmah hi. Ahi theihleh, aki pelhtheihleh Construction Site geinai nawk huai khollo hi. Sawltak #zomidaily
Comment piaknop aomleh...