Malaysia ah mawtaw 3 ki phukhagawp in mi 8 in sihlawh, adang mi 32 liam
Malaysia gamsung North South Expressway lamzikpi tungah tuni Tuesday zingsangtung in Bus mawtaw golpi 2 leh Van mawtaw khat ki phukhagawp ahih manin, mi 8 in sihlawh a, adangzong mi 32 bang liamgawp uh cih theStar pan kiza hi.
Fire and Rescue Department spokesman Azman Hussin in agenkhiatna ah Tuesday zingsanglam 5:40am hunpawl in Juru Toll Plaza phakmadeuh, KM147 Expressway ah Accident apiang hi ci’n genkhia hi.
Bus mawtawpi sungah atuang Passenger tepen Sony Company leh Plexus Company ah nasem “Factory Workers” vive kici a, zingsang nasemding in akuankhiat, apailaitak in atuahsia uh ahihi.
Hih Bus mawtawpi 2 leh Van mawtaw khat aki phukhagawp ahih manin, tuahsiatna aphual ah mi 8 sipah uh a, adangzong mi 32 te limliam mahmah uhhi.
Related: Malaysia, Puchong sungah mawtaw Accident in mikhat si, mawtaw awkcip
Tulaitak Firefighter te leh Police te aphual ah omin, bangci bangin hih Accident piangtheihiam cih akansan laitak kici hi. Hih tuahsiatna hangin lampi tezong ki khakcipgawp a, mawtaw te awkcip ahih manin, Motorists te’n hihlampi nawklo in, adang pelhtheihna zongciat un ci’nzong ki zasak hi. Sawltak #zomidaily
Comment piaknop aomleh...