Malaysia ah cikimekna Massage Parlour 500 val kibuluh, numei kizuak lakah Myanmar 11 kihel

Malaysia ah cikimekna Massage Parlour 500 val kibuluh, numei kizuak lakah Myanmar 11 kihel

Malaysia gamsung ah ci kimekna sai “Massage Parlours” paulap in, ataktak in asungah numei kizuakna in inndawl in akizang tampi om kici hi.

Tuabang in Massage Parlour paulap in Sex Service apia te kilimmat mahmah a, abeisa January pan May kha kikal sungin Massage Parlour bekbek akigawm in 505 ki buluhkhia hi ci’n Federal Police Criminal Investigation Department (CID) director Datuk Seri Wan Ahmad Najmuddin Mohd in genkhia hi.

Tuabangin Massage Parlour 505 aki buluhna panin numei tampi kimankhia a, tua numei tepen micimek taktak hilo uh a, numei kizuak nahizaw uhhi.

Tua numei kizuak tepen Thailand gampan numei 285, Indonesia gampan numei 153, China gampan numei 142, Philippines gampan numei 34, Cambodia gampan numei 17, Myanmar gampan numei 11, Laos gampan numei 8, Bangladesh gampan numei 3, Uganda gampan numei 3 cihbang ahhi.

CID Director ii genkhiatna ah hih Massage Parlour omna te Focus in Operasi akibawlna munte pen Selangor, Kuala Lumpur, Johor leh Perak huamsungteng hiphadiak hi ci’n genkhia hi.

Tuabangin Oparasi bawlin Massage Parlour te akibuluh khiatna panin Thai gammi numei akimanmah tampen hi. Ahi zongin numei kizuak leh Tourist Visa tawh honglut in aomsuak tepen hoihtak ki kemcingtheilai hi ci’n genbeh hi.

More: Guaktangphial in Waitress asemkhat Facebook tungah ki mawhsak mahmah

Hihbangin numei ginalo te aki matkhiattheih nadingin Police leh Immigration Department panin Officer te hanciamna tawh akimankhia ahihi. Akiman numei kizuak tepen “Prevention of Crime Act (Poca) 1959” thukhun leh “Anti-trafficking in Persons and Anti-smuggling of Migrants Act (Atipsom)” thukhun tetawh kizui in thu kibawlding cihi. Sawltak #zomidaily