USA, Maryland pan Nu Toe Toe Khaing @ Ma Toe (kum 48) in hongnusia
Mangpha Nu Toe Toe Khaing @ Ma Toe (Kum 48) – Washington DC Area,Maryland State,Laurel khua aa ateeng Pa Kyi Mung zi Nu Toe Toe Khaing @ Ma Toe in kalnatna tawh June 2,2020 in hongnusiat na hang in ZIUSA kipawlna mintawh dahpihna ipulak hi
Nu Ma Toe pen Zomite kipawl khopna Zomi Innkuan Washington DC Area ah member khat leh ZIUSA Genvai member onglut thukhun pom ni 10/31/2019 akipan ni (214) thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.
Nu Ma Toe luanghawm tawh anunungpen hunzatkhop ding hong tungding Friday June 5, 2020 10:00am in Meadowridge Memorial Park, 7250 Washington Blvd Elkridge,MD 21075 ah Calvary Burmese Church Washington DC makaih na tawh hunbawlna neihkhit ciang, han ah vuina ki nei ding hi.
Nu Ma Toe hong nusiatna hanga adahakap alungleng khuangai apasal leh atanu atapa tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)
ZIDCA pan Sih kohna leh dahpihna (Condolence)
Washington D.C Area, Maryland State, Laurel khua aa ateeng Nu Toe Toe Khaing (Ma Toe) (Kum 48) in University of Maryland Hospital, Baltimore pan Kalnatna tawh tunitak 5:05pm hun in hong nusia ahih manin Zomi Innkuan D.C Area (ZIDCA) pan nakpi takin kidahpih mahmah hi. Ma Toe pen Calvary Burmese Church, Washington DC ii full member khat ahi hi.
Ma Toe pen ZIDCA ii full member bek thamlo in US gam sung kipawlna ahi Zomi Innkuan USA, Genvai ah zong full member khat ahi hi. Ma Toe te innkuan pen ZIDCA akiphot cil lai hun teng in ZIDCA tha hong pia den leh ZIDCA kikhopna, homecell cih te ah lawp takaa hong kihel den innkuan te ahi uh hi. Ma Toe hong nutsiat ciang apasal Pa Kyi Mung leh Tanu 1 leh Tapa 1 te hong nutsiat san ahi hi.
More: US Tulsa pan hongnusia Pa Gin Hau Thang (Tuilang) te pata 3 dahpihna
Ma Toe luanghawm tawh kisai hun geelna te Pawlpi leh Innkuan thu nei lam pan ahun hun in hong kizasak to to ding hi.Topan adah akap khempeuh hong hehnem ta hen. Dahna lianpi tawh, Zomi Innkuan Washington D.C Area (ZIDCA)
Comment piaknop aomleh...