Mangngilh ngei kei ni

Mangngilh ngei kei ni

◽️I lamet bangin hong pian loh ciang, lamet beisak pah kei ni. Pasian sungah lamet bei cih om ngeilo hi.

◽️Nuntakna haksa sa lua in lungkham khakuun den kei ni. Pasian adingin a haksa khat beek omlo hi.

◽️I geelna bangin hong tangtung loh ciang, lungneu pah kei ni. Pasian in ahoihzaw hong geelsak den hi.

◽️I lampi kikhak in i maa hong bing ciang, lungkia thanem pah kei ni. Pasian in lampi dang nak hauh lua hi.

◽️I lunggulh khatpeuh i ngah zawh loh ciang, thanem pah kei ni. I nget/ngaihsutna sangin hong pia nuam zaw den Pasian inei hi.

◽️I damloh, i zawngkhal hun ciang, lamet bei, lungkia thanem pah kei ni. Damna Mangpa Zeisu inei hi.

◽️Launa leh lunghimawhna in hong nawk ciang, patau, linglawng pahpah kei ni. Huihpi tuihualte adaisak thei Zeisu ei tawh hong omkhawm hi.

◽️I lunglen khuangaih hun ciang, eiguak/khattang kisa kha kei ni. Nopna leh daihna kicinna ahi Pasian in hong ompih den hi.

◽️Lungkham haksatnate’n hong nawk ciang, lungkia thanem pahpah kei ni. Pasian’ sungah lungdam nopsakna om den hi.

◽️I guallelh hun ciang lungkia pah kei ni. Hong zawhpih ding a thahat vanglian Pasian i nei hi.

◽️I cihmawh hun ciang, beidong kisa pah kei ni. Sap teng cinna Pasian sungah sapna teng kicing hi.

◽️Lawhsapna i tuah ciang, lungneu pah kei ni. Lawhcinna bulpi ahi Pasian ei tawh hong omkhawm den hi.

◽️Maizumna i tuahna ciangin, maizum den kei ni. Note’ zumna teng kong laakhiatsak aci Pasian inei hi.

◽️A beisa huna i thanemna, i guallelhna, i lawhsapna, i launa, i damlohna leh i maizumna khempeuh hangin lungkia, thanem loin Pasian’ sungah upna leh lametna tawh mainawt den ni.

I Pasian’ sungah na khempeuh kicing hi. Pasian’ hangin i mailam taang den hi cih, mangngilh ngei kei ni. Amen

Khazih sungah, ✍️ David Tuang