Mandalay Region sungah innteeng nasep asemkhat kibawlsia

Mandalay Region sungah innteeng nasep asemkhat kibawlsia

Myanmar, Mandalay Region sung aom Amarapura ah innteeng in aom numei khat inntekte nupa in bawlsiagawp cih 7Day News pan kiza hi. Tua innteeng in aom numeinu pen Shan State sung aom Paoh niman te khat ahihi.

A nasepna innteek te nupa pen apasal Medical Doctor hi a, azipen puankhuisai abawl khat ahihi.

Innteeng numeinu pen atuamtuam in bawlsia uh a, khatveipen ata uh aki silsak laitak in akhe talkha citciat ahih manin tukpih ahih manin akhuttawh hongtum cihi.

Tuaban ah azi in innteengnu pen apuan atunglam teng suahkhiatsak in, atunglam guaktang in koihsak a, apasal buansak, hihsak cilawmlawm hi.

Khuttum tawh tumzel, Wire khautawh satzel, asampan kai in bangtawh tatzel cihbang in atuamtuam in bawlsia uh cihi.

Hihbang in abawlsiatna te midang nagenleh hong thatlumding hongci hi ci’n tuanu in genkhia hi.

Hih innteeng in aom numeinu pen apa asihkhit ciangin innkuansung annek tuidawn hamsatna tawh akhuapan zinkhia in innteeng nasep semin anu avakkik khat ahihi. Abawlsia innteekte nupa zong Kawlgam palik te’n mankhin uh a, thu kibawlding cihi.

Singapore leh Malaysia gamsung khawngah Kawlgammi innteeng “Maid” in aomte hongki bawlsiat sakciangin kiheh ngeingai mahmah a, namdang te’n Kawlgammi te hong simmawh kici hi. Ahi zongin Kawlgamsung ahzong hihbangdan kibawlsiatna tampitak omkawikawi, kiza kawikawi hi.

More: Myanmar, Shan gamah kumpi laivuanding apai mawtaw kibung, mi 5 si

Adiakin hih abawlsia innteekte nupa bangpen apasal Medical Doctor khat cisawnsawn a, sangkahngei bekthamlo, laizong tampitak asimsimkhat hisamding cileng. Tuaban ah amauzong ta neikhin uh a, banghang in amauta a it, angaih bangun midangte ta itsak ngaihsak zolo uh ahidiam??? ZD Sawltak #zomidaily