Mandalay ah Taxi Driver khat thautawh kikaplum in akikapzia palik te’n kansan

Mandalay ah Taxi Driver khat thautawh kikaplum in akikapzia palik te’n kansan

Myanmar, Mandalay khuasung ah Motorbike Taxi Driver khat thautawh kikaplum in, aki kapluplam luamah in theikhalo ahih manin, Mandalay Police te’n akansan laitak uh cih Irrawaddy pan kiza hi.

Motorcycle Taxi hawlpa ii aminpen U Ye Win kici a, kum 35 aphakhin khat ahihi.

Mandalay, Pyigyitagon Township sung 71st leh 72nd Streets kikal sung aom Kyansittha Street kicihna lamzik tungah apai laitak in Wednesday zingsanglam 8am hunpawl in Motorcycle tungpan tuksuk cihi. Tuaciang in amanlang in Mandalay Hospital ah kipuakpah hi.

U Ye Win pen Motorcycle tawh Accident in asi hiding in aki ummawh hi a, ahi zongin asihna vai sitcianna bawlding in Postmortem kibawlin aluang akikhei ciangin thautawh akikap ahihlam kitheikhia hi ci’n Police te’n genkhia uhhi.

Amahpen Motorcycle Taxi ahawl laitak lamzikpi tungah atuksuk hi a, atukna munah sipah cihi.

Asipa U Ye Win ii apianna apa in agenna ah Motorcycel Accident in asi kisa in Road Accident in ki ciamteh masa cihi. Ahi zongin aliamna ka etcian uhciangin alu ah liamna ki mukhia a, amitkhumul omnasan tengah thautang alutding tawh kibang cihi.

Tuaciang in Regional Police Force ah thautawh kikap hi ci’n Report kibawlkik cihi. Traffic Police Officer khatin hihvai tawh kisai in Mandalay Hospital Emergency panin Irrawaddy te tungah agenkhiat ahihi.

More: Tourism: Mandalay ah gamdangmi khualzin tamsemsem

Mandalay Regional Police Force te’nzong U Ye Win ii sihna pen Motorbike ahawl laitak in thautawh akikaptuk hi ci’n genkhia uhhi.

Ahi zongin koipan kua in thautawh kap cih kitheician nailo a, athu akician in akitheih ciangin Press Release kibawlpah dinghi ci’n Police Officer khatin genkhia hi. Sawltak #zomidaily